ورلڈ ٹی ٹونٹی کوالیفائنگ راؤنڈ میں آج مزید دو میچ کھیلے جائیں گے

ڈھاکہ (اے این این ) بنگلہ دیش میں کھیلے جانے والے ٹوئنٹی 20 کرکٹ ورلڈ کپ کے کوالیفائنگ راونڈ میں آج مزید دو میچ کھیلے جائیں گے ۔ ٹورنامنٹ کے پہلے میچ میں افغانستان کا مقابلہ ہانگ کانگ کی ٹیم کے ساتھ ہوگا جبکہ دوسرے میچ میں بنگلہ دیش کی ٹیم نیپال کا سامنا کرے گی ۔ ان دونوں میچز کی میزبانی چٹاکانگ کو دی گئی ہے ۔ پہلا میچ پاکستانی وقت کے مطابق دو بج کر 30 منٹ پر شروع ہوگا جبکہ مقامی وقت کے مطابق یہ میچ دن 3 بج کر 30 منٹ پر شروع ہوگا ۔ دوسرا میچ پاکستانی وقت کے مطابق 6 بج کر 30 منٹ پر شروع ہوگا جبکہ مقامی وقت کے مطابق یہ میچ 7 بج کر 30 منٹ پر شروع ہوگا ۔ ورلڈ کپ کا پہلا سیمی فائنل 3 اپریل جبکہ دوسرا سیمی فائنل 4 اپریل کو کھیلا جائے گا۔ فائنل 6 اپریل کو کھیلا جائے گا ۔