صوبائی زکوة کونسل نے مستحق طلباءطالبات کیلئے 5کروڑسے زائد فنڈز کی منظوری دیدی
لاہور( کامرس رپورٹر)صوبائی زکوة کونسل نے سال 2013-14ءکیلئے پنجاب کے 12 اضلاع کے 409 تعلیمی اداروں اور 9 اضلاع کے 72 دینی مدارس میں زیر تعلیم مستحق طلباءطالبات کے لئے 5 کروڑ61 لاکھ3 ہزار 852 روپے کے فنڈز کے اجراءکی منظوری دے دی ہے - یہ منظوری گزشتہ روز یہاں چیئرمین صوبائی زکوة کونسل جسٹس (ر) اختر حسن کی زیر صدارت کونسل کے 150 ویں اجلاس میں کیا گیا -جس میں سیکرٹری زکوة و عشرکیپٹن (ر) جہانزیب خان، ایڈمنسٹریٹرزکوةپنجاب محمد یوسف بٹ، ڈپٹی ایڈمنسٹری زکوة(فیلڈ) پنجاب محمد سجاد بابر اور کونسل کے ممبران حافظ فضل رحیم اشرفی، حافظ زبیر احمد ظہیر، سعید احمد انصاری ، محترمہ تنویرکوثر، ڈپٹی سیکرٹری محمد اقبال ، جناب شبیر احمد بھٹی نمائندہ سیکرٹری خزانہ حکومت پنجاب، ڈپٹی سیکرٹری ، نمائندہ سیکرٹری لوکل گورنمنٹ حکومت پنجاب اورسیکشن آفیسر (جنرل )امجد فخر، نمائندہ سیکرٹری سوشل ویلفیئر حکومت پنجاب نے شرکت کی - کونسل کے اجلا س میں منظور کئے گئے فنڈز کے تحت 409 تعلیمی اداروں کے 16259 طلبا وطالبات کیلئے 3 کروڑ 55 لاکھ91 ہزار 52 روپے جبکہ9 اضلاع کے 72 دینی مدارس کے 4543 مستحق طلباءو طالبات کیلئے 2 کروڑ 5 لاکھ 12 ہزار 800 روپے کی رقم جاری کی گئی ہے -مزید برآں صوبائی زکوة کونسل نے ضلع ساہیوال ، شیخوپورہ، گجرات، پاکپتن، بہاولپور، لاہور اور ملتان میں بقیہ مدت کے لئے چیئرمین ضلع زکواة کمیٹی نامزد کرنے اور ضلعی زکوة کمیٹی راجن پور کی مدت کار میں 6 ماہ کی توسیع دینے کی بھی منظوری دے دی -
منظوری
