نئی ویب سیریز منفرد موضوع پر مبنی ہے، ظفر عباس کھچی
لاہور(فلم رپورٹر)میری نئی ویب سیریزمنفرد موضوع پر مبنی ہے شوبزانڈسٹری میں ابھی بھی پیسہ لگایا جا ئے توشوبزانڈسٹری کواس کے پاﺅں پرکھڑا کیا جاسکتا ہے،اس کے ساتھ ساتھ ہمیں انتہائی باصلاحیت، پیشہ ور اور قابل موسیقاروں، کیمرہ مینوں ، لکھنے والوں اور ہدایت کاروں کی ضرورت ہے ان خیالات کا اظہار سینئر اداکار ظفر عباس کھچی نے گفتگو کرتے ہوئے کیا ،انہوں نے کہا کہ پڑھے لکھے لوگوں کی آمد سے ہی فلمی صنعت میں تبدیلی آئی ہے۔پڑھے لکھے لوگوں کے بغیرہم معیاری وکامیاب فلمیں نہیں بنا سکتے،ایک سوال کے جوا ب میںظفر عباس کھچی نے کہا کہ فلموں کا بہترین معیار، ڈیجیٹل ساو¿نڈ اور ماہرتکنیک کارہی شوبزانڈسٹری کوزوال سے عروج کی طرف لے جاسکتے ہیںانہوں نے مزید کہا کہ اس وقت انڈسٹری کوایسی فلموں کی ضرورت ہے جن میں حقیقت دکھائی جائے ،توہم بھی پڑوسی ملک کی طرح معیاری فلمیں بنانے میں کامیاب ہوسکتے ہیں۔
