ایگزیکٹوڈائریکٹر الحمراءکا اکیڈمی آف پرفارمنگ آرٹس کا دورہ
لاہور(فلم رپورٹر)ایگزیکٹوڈائریکٹر الحمراءنازیہ جبیں نے الحمراءاکیڈمی آف پرفارمنگ آرٹس کا دورہ کیا۔نازیہ جبیں ،موسیقی ، پینٹنگ ،خطاطی و مجسمہ سازی کی کلاسسز میں گئیں،اساتذہ و نوجوانوں سے ملاقات کی۔ نازیہ جبیں نے نوجوان طلبہ و طالبات کا کام دیکھا اور بھرپور سراہا۔نازیہ جبیں نے الحمراءاکیڈمی میں ووکل کی کلاس میں زیرتربیت آرٹسٹوں سے موسیقی سنی اور اس موقع پر کہا کہ الحمراءاکیڈمی فنون لطیفہ کی تعلیم اور تربیت کا تاریخی تدریسی ادارہ ہے ،الحمراءاکیڈمی میں فنون لطیفہ کے 12شعبوں میں کلاسز جاری ہیں،ہمارا نوجوان زندگی کے ہر شعبہ میں اپنی صلاحیتوں کا لوہا منوا رہا ہے۔ نازیہ جبیںنے کہا کہ ٹیلنٹ نکھار کر الحمراءکے پلیٹ فارم سے موقع فراہم کرنا،خدمت ہے۔ نوجوانوں کا فنون سیکھنے کا شوق قابل دیدہے۔
، انہی سے مستقبل کے سٹارز پید اہونگے ،دیر پا نتائج کے حامل اقدامات اٹھائے جائے،ترجیحات میں فن اورفنکار کی ترقی و خوشحالی سرفہرست ہے ۔نازیہ جبیں نے خطاطی ورکشاپ میں بنائے گئے فن پاروں کی نمائش کرنے کی ہدایت کی۔
