ایکسپو سنٹر میں فرنیچر نمائش کا آغاز نگران وزیر بلدیات نے افتتاح کیا
لاہور(اپنے نمائندہ سے)نگران وزیر بلدیات پنجاب ابراہیم مراد نے پاکستان لائف سٹائل فرنیچر ایکسپو کا افتتاح کیا۔ ایکسپو میں پاکستان کے 50 ٹاپ برانڈز کی تیار کردہ فرنیچر پراڈکٹس رکھی گئی ہیں۔یہاں گھروں اور دفاتر میں استعمال ہونے فرینچر دکھا گیا ہے۔
ابراہیم مراد نے ایکسپو کے مختلف سٹالز کا دورہ کیااور ایکسپو میں رکھی گئی پراڈکٹس میں گہری دلچسپی کا اظہار کیا۔ انہوں نے کہا کہ ایکسپو میں رکھا گیا فرنیچر بین الاقوامی معیار کا ہے۔پاکستان فرنیچر برآمد کر کے قیمتی زرمبادلہ حاصل کر سکتا ہے۔ فرنیچر ایکسپو 17 سے 19 مارچ تک تین دن جاری رہے گی۔ ایکسپو میں فرنیچر رعایتی نرخوں پر فروخت کیا جا رہا ہے۔
