صوبے کی پولیس کو وسائل کی بھی کمی کا سامنا ہے، آئی جی سندھ
کراچی (سٹاف رپورٹر)آئی جی سندھ غلام نبی میمن نے کہا ہے کہ آئے دن جرائم بڑھ رہے ہیں، پولیس کو وسائل کی بھی کمی کا سامنا ہے۔کراچی میں میڈیا سے غیر رسمی گفتگو کرتے ہوئے غلام نبی میمن نے کہا کہ پولیس کے وسائل کو بڑھانا ہوگا، کوشش ہے کہ حکومت ہمارے ساتھ تعاون کرے۔انہوں نے کہا کہ ہم نے حکومت کو اپنی سفارشات ارسال کی ہیں، اپنی ٹریننگ اور بھرتیوں کے عمل کو بہتر بنایا ہے۔آئی جی سندھ نے کہا کہ عدالت نے انویسٹی گیشن بہتر بنانے اور عدالتی احکامات پر عملدرآمد کی ہدایت کی ہے۔غلام نبی میمن نے کہا کہ عدالت نے پولیس اور پراسیکیوشن کے درمیان رابطوں کو بہتر بنانے کی ہدایت کی ہے۔
