ویمن یونیورسٹی ،مشتاق گورمانی فاﺅنڈیشن کے مابین معاہدہ
ملتان(نیوزرپورٹر)ویمن یونیورسٹی ملتان اور مشتاق احمد گورمانی فاونڈیشن کے مابین ایم او یو پر دستخط ہو گئے اس موقع پر ایک تقریب کا اہتمام کیاگیا معاہدے پر وائس چانسلر پروفیسر ڈاکٹر عظمی قریشی اور شمیم احمد خان (سیکرٹری مشتاق احمد گورمانی)نے دستخط کیے۔ ایم او یو کے تحت ویمن یونیورسٹی ملتان اور گورمانی فاونڈیشن یونیورسٹی کی طالبات کو سکالرشپ کے مواقع(بقیہ نمبر25صفحہ6پر )
فراہم کریں گے۔ اس شراکت داری کے تحت وہ طالبات جو بی ایس کمپیوٹر سائنسز، بی ایس کیمسٹری، بی ایس انفارمیشن ٹیکنالوجی اور ڈی فارمیسی سمیت 5 سال کے پروگراموں میں داخلہ لیں گی گورمانی فاونڈیشن پانچ طالبات کو اسکالرشپ فراہم کرے گی جس میں ٹیوشن فیس، بورڈنگ کے اخراجات شامل ہوں گے۔ اس اسکالرشپ پروگرام کا مقصد ایسے خاندانوں کے شاندار طلبا کو مواقع فراہم کرنا ہے جو اعلی تعلیم کے متحمل نہیں ہیں اس موقع پر گفتگو کرتے ہوئے وائس چانسلر پروفیسر ڈاکٹر عظمی قریشی نے گورمانی فاونڈیشن کی ٹیم کا شکریہ ادا کیا کہ انہوں نے جنوبی پنجاب کی اس یونیورسٹی کا انتخاب کیا جس کے دور رس نتائج برآمد ہوں گے انہوں نے کہ یونیورسٹی نے ہرشعبہ میں میرٹ کو اساس بنایا ہے سکالر شپ بھی میرٹ پر دئے جائیں گے تقریب میں سیشن فال 2022 کی 5 طالبات کو سکالر شپ بھی دئے گئے اس ایم او یو کے فوکل پرسن ڈاکٹر مصباح مرزا اور سندس ہاشمی(اسسٹنٹ رجسٹرار) تھی، جبکہ دیگر عہدیداروں میں محمد شعیب (پروجیکٹ منیجر)، منصور خان (انچارج سکالرشپ گرومانی فاونڈیشن) اور سجاد حسین (ایڈمن آفیسر) شامل ہیں۔
