پڑھا لکھا،ہنر مند بلوچستان حکومت کا ویژن، فرح عظیم شاہ
کوئٹہ(این این آئی) ترجمان حکومت بلو چستان فرح عظیم شاہ نے کہا ہے کہ بلوچستان ایجوکیشن سیکٹر پلان کو شروع کردیا گیا ہے،پروجیکٹ کے تحت محکمہ تعلیم میں انقلابی تبدیلیاں لائینگے،پڑھا لکھا اور ہنر مند بلوچستان حکومت کا ویژن ہے،عمران خان سے گزارش ہے کہ انہوں نے جو تماشہ لگا کرکے رکھا ہے اسکو بند کیا جائے،23 مارچ سے گوادر ائیرپورٹ فنکشنل ہوجائیگا۔ یہ بات انہوں نے وزیر اعلیٰ سیکرٹریٹ میں پریس کانفرنس کر تے ہوئے کہی۔ ترجمان حکومت بلوچستان فرغ عظیم شاہ نے کہا ہے کہ وزیر اعلیٰ بلو چستان نے میرٹ پر 9ہزار 3سو96اساتذہ کی بھر تیاں، 15سوکے قریب اساتذہ کو اگلے گریڈ میں تر قی دی ہے اگر صوبے کو تر قی کی جانب سے گا مزن کر نا ہے تو شعبہ تعلیم پر توجہ اور آئی ٹی ایجو کیشن کو پروموٹ کر نے کی ضرورت ہے ترقی کے دور میں اگر بلو چستان کو مضبوط، مستحکم بنانا اور دنیاء کے مقابلے میں لا کر کھڑا کرنا ہے تو آئی ٹی کے شعبے پر خصوصی توجہ دینی ہو گی۔ انہوں نے کہاکہ آئی ٹی ایجو کیشن کو پروموٹ کر نے کے لئے 4سو50ٹیچر کو پبلک سرو س کمیشن کے ذریعے 17گریڈ میں بھر تی کیا گیا ہے۔انہوں نے کہاکہ یکسان قومی نصاب تین فیزز پر مشتمل پروجیکٹ کا آغاز ہو چکا ہے،سی پی ڈی 6سو5ملین روپے کے پروجیکٹ کا بھی آغاز ہو چکا ہے اس پروجیکٹ کے ذریعے بلو چستان کے تمام ڈسٹرکٹ کے ٹیچر کو پروفیشنل ٹریننگ فراہم کی جا ئے گی اگر ہم نے صوبے کے بچوں کو تعلیم یافتہ بنانا ہے تو ہمیں اپنے اساتذ ہ پر توجہ دینی کی ضرورت ہے۔ گوادر میں بجلی کی فراہمی شروع کردی گئی23 مارچ سے گوادر ائیرپورٹ فنکشنل ہوجائیگا تحریک انصاف اور خصوصاً عمران خان سے گزارش ہے کہ انہوں نے جو تماشہ لگا کرکے رکھا ہے اسکو بند کیا جائے اس سے ملک کی معیشت اور تشخص پر منفی اثرات مرتب ہوں رہے ہیں۔
فرح عظیم شاہ
