انٹر ریجن انڈر19 ون ڈے کرکٹ کپ کا دوسرا سیمی فائنل آج ہوگا
لاہور(سپورٹس رپورٹر) پاکستان کرکٹ بورڈ کے زیراہتمام جاری انٹر ریجن انڈر19- ون ڈے کرکٹ کپ ٹورنامنٹ کا دوسرا سیمی فائنل لاہور بلیو اور سیالکوٹ کی ٹیموں کے درمیان آج پنڈی کرکٹ سٹیڈیم، راولپنڈی میں کھیلاجائے گا جبکہ فائنل میچ 20 مئی کو کھیلا جائے گا۔ ٹورنامنٹ میں ملک بھر سے 18 ریجن کی ٹیموں نے حصہ لیا جن کو دو گروپوں میں تقسیم کیا گیا، گروپ اے میں سیالکوٹ، اسلام آباد اور کراچی وائٹس، فیصل آباد، لاہور وائٹس، بہاولپور، ڈیرہ مراد جمالی، حیدرآباد اور آزاد جموں و کشمیر کی ٹیمیں شامل ہیں، جبکہ گروپ بی میں لاہور بلیو، کوئٹہ، راولپنڈی کراچی بلیو، لاڑکانہ، پشاور، ملتان، ایبٹ آباد اور فاٹا کی ٹیمیں شامل تھیں۔
