شاہد آفریدی ویسٹ انڈیز کیخلاف ورلڈ الیون کی نمائندگی نہیں کر سکیں گے کیونکہ۔۔۔ پاکستانیوں کیلئے تشویشناک خبر آ گئی، ایسا کام ہو گیا کہ ہر پاکستانی افسردہ ہو جائے گا
دبئی (ڈیلی پاکستان آن لائن) پاکستان کے مایہ ناز سابق آل راﺅنڈر شاہد خان آفریدی انٹرنیشنل کرکٹ کونسل (آئی سی سی) کے زیر اہتمام ورلڈ الیون اور ویسٹ انڈیز کے درمیان ہونے والے چیریٹی میچ میں حصہ نہیں لے سکیں گے۔
یہ بھی پڑھیں۔۔۔”اپنے ہونے والے بچے کا یہ نام رکھ لو“ میشاءشفیع نے امریکی کامیڈین کو مشورہ دیا تو پاکستانیوں کو شدید غصہ چڑھ گیا، ان پر ٹوٹ پڑے کیونکہ۔۔۔
شاہد آفریدی پاکستان سپر لیگ (پی ایس ایل) کے درمیان گھٹنے کی تکلیف کا شکار ہوئے تھے اور امید ظاہر کی تھی کہ وہ مئی کے آخر تک مکمل طورپر صحت یاب ہو جائیں گے تاہم ڈاکٹر کی تازہ ترین رپورٹ کے مطابق آفریدی کو اب بھی مکمل آرام کی ضرورت ہے۔
شاہد آفریدی نے ٹوئٹر پر اپنی تصاویر جاری کرتے ہوئے لکھا ”دبئی میں اپنے ڈاکٹر کے پاس گیا، گھٹنے کی تکلیف اب بھی مکمل طور پر ٹھیک نہیں ہوئی۔ مجھے مزید 3 سے 4 ہفتے لگیں گے، اس کے بعد مکمل صحت یاب ہونے کیلئے پرامید ہوں، میرے لئے دعائیں کرتے رہیں“
Went to see my doctor in Dubai, the knee hasnt recovered fully yet. I'll need another 3-4 weeks. Hoping to regain full fitness after that, keep praying for me. pic.twitter.com/U0gOX9PXtA
— Shahid Afridi (@SAfridiOfficial) May 17, 2018
گزشتہ مہینے شاہد آفریدی، شعیب ملک اور سری لنکا کے تھیسارا پریرا نے چیریٹی میچ میں شرکت پر رضامندی ظاہر کی تھی۔ اس میچ سے اکٹھی ہونے والی رقم ان سٹیڈیمز کی مرمت و تزئین و آرائش پر خرچ ہونا ہے جو ارما اور ماریہ طوفانوں کے باعث ٹوٹ پھوٹ کا شکار ہوئے تھے۔
تینوں کھلاڑیوں کے اعلان کے بعد بھارت کے ہردیک پانڈیا اور دنیش کارتھک نے بھی یقین دہانی کرائی تھی کہ وہ اس میچ میں شریک ہوں گے۔ افغانستان کے راشد خان اور بنگلہ دیش کے تمیم اقبال اور شکیب الحسن بھی اس میچ میں شرکت کر رہے ہیں۔ نیوزی لینڈ کے لیوک رونکی اور مچل میکلی ناگھن بھی اس میچ میں شریک ہونے والے کھلاڑیوں میں شامل ہو گئے ہیں۔ واضح رہے کہ یہ میچ 31 مئی کو لارڈز کے تاریخی کرکٹ گراﺅنڈ میں کھیلا جائے گا۔