پاکستانی لڑکی کی صلاحیتوں کے امریکی صدر بھی معترف،کس کارکردگی پر ایوارڈ سے نوازا؟ خبرآگئی

پاکستانی لڑکی کی صلاحیتوں کے امریکی صدر بھی معترف،کس کارکردگی پر ایوارڈ سے ...
پاکستانی لڑکی کی صلاحیتوں کے امریکی صدر بھی معترف،کس کارکردگی پر ایوارڈ سے نوازا؟ خبرآگئی

  

واشنگٹن(ڈیلی پاکستان آن لائن) امریکی صدر ڈونلڈ ٹرمپ بھی پاکستانی نژاد لڑکی کی صلاحیتوں اور نیک دلی کے معترف ہوگئے۔ ٹرمپ نے ریاست میری لینڈ سے تعلق رکھنے والی دس سالہ پاکستانی بچی کو عالمی وبا کورونا سے نمٹنے والے فرنٹ لائن فائٹرز کو بسکٹس عطیہ کرنے ان کی خدمات کو سراہااورلیلیٰ کو اعزاز سے بھی نوازا ہے۔

دس سالہ لیلیٰ خان کا تعلق امریکی ریاست میری لینڈ سے ہے انہیں امریکا بھرمیں کورونا وائرس کے خلاف لڑنے والے ہیروز کو اعزاز دینے کی ایک تقریب میں مدعو کیاگیا جہاں ان کی صلاحٰیتوں کی تعریف کی گئی اور صدر ٹرمپ نے انہیں اعزاز سے نوازا۔

لیلیٰ خان نے طبی عملےاور فائر فائٹرز  کو گرلز اسکاوٹس  کوکیز کے100باکسز اور تشکر کے کارڈز پیش کیے تھے۔امریکی صدر ڈونلڈ ٹرمپ نے لیلیٰ خان کو تعریفی سند اور ان کے جذبے کو خراج تحسین پیش کیا۔

پاکستان میں واقع امریکی سفارتخانے نے اپنے ٹوئٹر اکاؤنٹ پر  لیلیٰ خان اور ٹرمپ کی تصویر  کے ساتھ پیغام بھی شیئر کیا۔

واضح رہے کہ ہرسال امریکا بھر میں جنوری سے اپریل تک ہونے والی گرلز اسکاوٹس کوکیز فنڈ ریزنگ مہم کے دوران 10لاکھ سے زائد لڑکیاں 20 کروڑ سے زائد کوکیز باکسز فروخت کرکے 800 کروڑ ڈالرز مالیت تک کے عطیات جمع کرتی ہیں۔

کوکیز باکس کی فروخت سے جمع ہونے والی رقم فلاحی مقاصد کے لیے استعمال کی جاتی ہے

مزید :

قومی -تارکین پاکستان -کورونا وائرس -