آپ کو یہ بھارتی ڈاکٹر تو یاد ہوگا جو کورونا کی پہلی لہر میں بیوی کے بغیر ویکسین لگوا آیا تھا اور اس کی کال لیک ہوگئی تھی؟ اب اس ڈاکٹر کے بارے میں انتہائی افسوسناک خبر آگئی
نئی دلی (ڈیلی پاکستان آن لائن) بھارت کے معروف ڈاکٹر کے کے اگروال کورونا وائرس کے باعث انتقال کرگئے۔
ڈاکٹر کے کے اگروال گزشتہ کئی روز سے نئی دلی کے آل انڈیا انسٹی ٹیوٹ آف میڈیکل سائنسز میں داخل تھے تاہم آج وہ جان کی بازی ہار گئے۔ وہ گزشتہ ماہ کورونا میں مبتلا ہوئے تھے۔ انہوں نے 30 اپریل کو ایک ویڈیو جاری کی تھی جس میں کہا تھا کہ وہ کووڈ نمونیا کا شکار ہیں لیکن اس کے باوجود لوگوں کی آگہی کیلئے کام کرتے رہیں گے۔
Metabolic syndrome includes a cluster of conditions that increase the risk of heart disease, stroke and diabetes that can lead to sudden death in #COVID19
— Dr K K Aggarwal (@DrKKAggarwal) May 4, 2021
Watch warning signs and begin treatment on time! pic.twitter.com/7mDRpTw7Is
ڈاکٹر کے کے اگروال کو گزشتہ برس کورونا وائرس کی پہلی لہر کے دورن اس وقت شہرت حاصل ہوئی تھی جب وہ اپنی بیوی کے بغیر ہی ویکسین لگوا آئے تھے۔ سوشل میڈٰیا پر ان کی دلچسپ گفتگو کی یہ ویڈیو پاک و ہند میں خوب وائرل ہوئی تھی۔
ڈاکٹر کے کے اگروال سوشل میڈیا پر بھی خاصے ایکٹو رہتے تھے، وہ انتہائی ماہرانہ اور سادہ الفاظ میں بڑی سے بڑی بیماری کو بھی عام لوگوں کو سمجھا دیتے تھے۔
ڈاکٹر اگروال بھارت میں دل کے سب سے ماہر ڈاکٹر تصور کیے جاتے تھے۔ وہ انڈین میڈیکل ایسوسی ایشن کے سابق صدر تھے ، انہیں بھارتی حکومت کی جانب سے پدما شری ایوارڈ سے بھی نوازا گیا تھا۔