ملک میں کتنے دن کا پانی کا ذخیرہ باقی رہ گیا؟ تشویشناک خبر آگئی 

اسلام آباد (ڈیلی پاکستان آن لائن )انڈس ریور سسٹم اتھارٹی (ارسا) کے ترجمان خالد رانا نے خبر دار کیا ہے کہ ملک بھر کے ڈیموں میں پانی کا ذخیرہ 7 سے 8 روز کا رہ گیا۔
جیو نیوزکے مطابق پانی کی دستیابی سے متعلق صورتحال 3 سے چار روز میں واضح ہو گی، ابھی یہ بتانا قبل از وقت ہو گا کہ ملک میں فصل خریف کو پانی کی کتنی قلت آ سکتی ہے۔انہوں نے کہا کہ ڈیموں میں 10 لاکھ ایکڑ فٹ سے زیادہ پانی موجود ہے جو سات سے آٹھ روز کیلئے کافی ہے۔ان کا کہنا تھاکہ پانی کی دستیابی کا انحصار برف پگھلنے پر ہے جبکہ سکردو میں درجہ حرارت میں تبدیلیاں آرہی ہیں، سکردو میں درجہ حرارت 10.6سے 19ڈگری سینٹی گریڈ ہے جو گزشتہ سال ان دنوں میں 15سے 23 ڈگری سینٹی گریڈ تھا۔