بھارت میں دھماکہ ، 9 افراد ہلاک

بھارت میں دھماکہ ، 9 افراد ہلاک
بھارت میں دھماکہ ، 9 افراد ہلاک

  IOS Dailypakistan app Android Dailypakistan app

کلکتہ(ڈیلی پاکستان آن لائن) بھارتی ریاست مغربی بنگال میں ہونے والے زوردار دھماکے میں 9 افراد ہلاک اور متعدد زخمی ہوگئے۔ بھارتی میڈیا کے مطابق زور دار دھماکہ ریاست مغربی بنگال میں  پٹاخے تیار کرنے والی ایک فیکٹری میں ہوا۔ پٹاخے تیار کرنے والی کمپنی غیر قانونی طور پر رہائشی علاقے کی ایک عمارت میں تعمیر کی گئی تھی۔عینی شاہدین کا کہنا ہے کہ فیکٹری میں دھماکے کے بعد اس میں موجود پٹاخے دور دراز مقامات پر گر کر پھٹنے لگے تھے۔ پورا علاقہ جنگ کا منظر پیش کرنے لگا تھا۔

 دھماکے کی شدت اتنی زیادہ تھی کہ فیکٹری منہدم ہوگئی جب کہ آس پاس کی عمارتوں کی کھڑکیوں کے شیشے ٹوٹ گئے اور گاڑیوں کو بھی نقصان پہنچا۔فیکٹری  میں کام کرنے والے 9 ملازم ہلاک ہوگئے جب کہ ملبے تلے دب کر 10 سے زائد افراد زخمی ہوگئے۔ ہلاک اور زخمی ہونے والوں کو قریبی ہسپتال منتقل کردیا گیا۔3 زخمیوں کی حالت تشویشناک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ واقعے کی تحقیقات کے لیے انکوائری کمیٹی تشکیل دیدی گئی۔