بلاول بھٹو نے تخت لاہورپرکاری ضرب لگائیجس سے جاتی امرامیں بھونچال آگیا، اشرف بھٹی
لاہور( نمائندہ خصوصی)پیپلزپارٹی پارلیمنٹرین کے مرکزی رہنما محمد اشرف بھٹی نے کہا ہے کہ پرعزم اورپرجوش بلاول بھٹو نے تخت لاہورپرکاری ضرب لگائی،جاتی امراء کے محلات میں بھونچال آگیا۔تخت لاہورکے بوجھ نے پاکستانیوں کوبوجھل اورنڈھال کردیا۔ پاناما برانڈ حکومت کی ملی بھگت کے نتیجہ میں ڈکٹیٹرپرویز مشرف نے مقدمات کاسامنا نہیں کیامگر پانانالیگ کوتوعوام کاسامناکرناپڑے گا۔اب حکمران کس طرح قومی ضمیر کا سامنا کریں گے ۔کیا اس اعلیٰ کارکردگی پرحکمرانوں کوآئندہ انتخابات میں باشعورعوام سے ووٹ ملے گا،ہرگز نہیں ۔حکمرانوں نے جس رِٹ کی رَٹ لگائی ہوئی تھی پرویز مشرف نے اس کی وَاٹ لگادی اوربیرون ملک چلتا بنا۔ پرویزمشرف کے بیرون ملک چلے جانے کے باوجودحکمران ڈھٹائی سے ڈیل کاانکارکررہے ہیں۔ نااہل حکمران اپنی نااہلی اورناکامی کاملبہ دوسروں پرڈالنابندکریں ۔
،عوامی عدالت نااہل حکومت کیخلاف اپنافیصلہ سنادے ۔وہ نادرآبادمیں ا پنے اعزازمیں ایک عشائیہ سے خطاب کررہے تھے ۔ محمداشرف بھٹی نے مزید کہا کہ متعدد وفاقی وزراء کایہ کہناتھا'' اگرپرویز مشرف عدلیہ کاسامنا کئے اور سزاکاٹے بغیربیرون ملک چلے گئے توہم سیاست چھوڑدیں گے'' مگراب تک ان میں سے کوئی ایک بھی مستعفی نہیں ہوا۔جہاں فردواحدکاراج اور ون مین شوکارواج ہووہاں قانون کی حکمرانی قائم نہیں ہوتی۔ انہوں نے کہا کہ حکمران اپنازورصرف کمزورو ں پر آزماتے ہیں۔پرویز مشرف بیرون ملک چلے گئے مگرحکمران دروغ گوئی سے بازنہیں آرہے۔ انہوں نے کہا کہ اچھاہوتاپرویز مشرف بیرون ملک جاتے جاتے اپنے ہم خیال اورمہربان حکمرانوں کوبھی اپنے ساتھ لے جاتے ۔ حکمرانوں کی ڈیل والی سیاست کے نتیجہ میں جمہوریت کے ڈی ریل ہونے کاخطرہ بڑھ گیا ۔انہوں نے کہا کہ نااہل حکومت اور سا بق ڈکٹیٹر پرویز مشرف کے درمیان خفیہ ڈیل جس کے نتیجہ میں عدالتی مفروربیرون ملک گیا، پارلیمنٹ میں پیش کی جائے ۔حکمران یادرکھیں جس کسی نے آئین وقانون کامذاق اڑایاوہ خودبھی مذاق بن کررہ گیا۔
