سخت قوانین،اضافی ٹیکس،لندن میں جائیدادوں کی فروخت پر میں ریکارڈ کمی
لندن(مانیٹرنگ ڈیسک)سخت قوانین اور اضافی ٹیکسوں کے نفاذ کے بعد لندن میں پرآسائش جائیدادوں کی فروخت میں ایک سال کے دوران چھیاسی فیصد تک کمی ہوگئی، قیمتیں بھی پینتیس فیصد تک گر گئی ہیں۔برطانوی جریدے کی رپورٹ کے مطابق سرمایہ کاروں نے لندن میں اضافی ٹیکسوں اور نئے قوانیں کے سبب مہنگے اور پرآسائش گھروں کی خریداری کم کردی ہے۔
مزید پڑھیں :پاکستان سٹاک ایکس چینج میں مندی ، 200پوائنٹس کی کمی کے بعد انڈیکس 41کی سطح پر آگیا
اگست 2016 میں ایک کروڑ پاونڈ قیمت کی صرف تین جائیدادیں فروخت ہوئیں۔ خریدار نہ ہونے کا اثر گھروں کی قیمتوں پر بھی مرتب ہورہا ہے۔لندن میں جائیدادیں رجسٹرڈ کرنے والے ادارے کے مطابق ایک سال کے دوران 2 کروڑ 20 لاکھ پاونڈ مالیت کے گھر کی قیمت 1 کروڑ 63 لاکھ پاونڈ باقی رہ گئی ہے۔قیمتیں گرنے کی وجہ سے لندن میں جائیداد کی فروخت کا کام رک گیا ہے۔ رپورٹ کے مطابق برطانیہ کا یورو زون سے نکلناقیمتوں پر اثرانداز نہیں ہورہاہے، بلکہ جائیداد کی خریداری کے قوانین اور اضافی ٹیکسز ہیں۔
