عمران خان کی چینی سفیر سے ملاقات ، اسلام آباد دھرنے کے مقاصد سے آگاہ کیا

اسلام آباد (مانیٹرنگ ڈیسک)تحریک انصاف کے چیئرمین عمران خان سے چینی سفیرسن ویڈونگ نے ملاقات کی،جس میں باہمی دلچسپی کے اموراورسی پیک منصوبے پرتبادلہ خیال کیاگیا۔

ذرائع کے مطابق آج اسلام آباد میں عمران خان نے چینی سفیر سے ملاقات میں اسلام آبادمیں دھرنے سے متعلق مختلف معاملات اورپانامالیکس ایشوپر بھی بات چیت کی۔اس موقعہ پرعمران خان نے چینی سفیرسن ویڈونگ کو حکومت کے خلاف دھرنے کی وجوہات سے متعلق مکمل آگاہ کیا۔عمران خان اورچینی سفیر کی ملاقات کے دوران پانامالیکس ایشوز اورنوازشریف کی کرپشن کے معاملات پر بھی گفتگو کی گئی۔ذرائع کے مطابق چیئرمین پی ٹی آئی عمران خان نے دھرنے کے دوران چینی سفیر کو اپنے تعاون کا یقین دلایا۔

نئی پاکستانی ائیر لائن میدان میں آگئی ،پروازیں کب سے شروع ہو رہی ہیں اور کیا نام رکھا گیا ہے ؟آپ بھی جانئے

عمران خان اس موقع پر گفتگو کرتے ہوئے کہا کہ پاکستان مین جاری چینی منصوبوں کی کامیابی سے تکمیل کے خواہاں ہیں۔ سی پیک گیم چینجر منصوبہ ہے۔ سی پیک پر ہماری مکمل حمایت حکومت کو حاصل ہے۔ انہوں نے کہا کہ ہمارے احتجاج کا مقصد ملک میں ترقی کی راہ میں رکاوٹ ڈالنا نہیں ہے۔ حکومت ہمارے احتجاج کے بارے میں منفی پروپیگنڈا کررہی ہے۔ عمران خان نے کہا کہ تحریک انصاف کا دھرنا کرپشن کے خلاف اور احتساب کے لئے ہے۔ سی پیک پر خیبرپختونخوا حکومت کی تحفظات کو سنجیدگی سے لیا جائے۔ چینی سفیر نے گفتگو کرتے ہوئے کہا کہ سیاسی طور پر مستحکم پاکستان ہی ترقی یافتہ پاکستان کی ضمانت ہے۔