وزیراعظم کے قریبی ساتھی صاحبزادہ جہانگیر کا معاون خصوصی کا عہدہ لینے سے معذرت
اسلام آباد(ڈیلی پاکستان آن لائن)وزیراعظم عمران خان کے قریبی ساتھی صاحبزادہ عامر جہانگیر نے معاون خصوصی کا عہدہ لینے سے معذرت کر لی۔
صاحبزادہ جہانگیر کی بطور معاون خصوصی تقرری کا نوٹیفکیشن 15 اکتوبر کو جاری کیا گیا تھا۔حکومتی ذرائع کا کہنا ہے کہ سوشل میڈیا پر صاحبزداہ جہانگیر پر بدعنوانی اور بینک ڈیفالٹر کے الزامات لگائے گئے تھے۔سوشل میڈیا پر صاحبزادہ جہانگیر پر برطانیہ میں تین کمپنیوں کے ڈیفالٹر اور بدعنوانی کے الزامات کا چرچا ہے۔
1/1. I am honoured for PM PAK trust in me as SAPM for Foreign Investments. It is honorary assignment. I would take no salary or benefits. However, in view of fake allegations & media propaganda to malign my character & dignity, it will effect my performance. Continued 2/2
— Sahibzada Jahangir (@ChicoJahangir) October 17, 2018
صاحبزادہ جہانگیر نے سوشل میڈیا پر اپنے ٹوئٹ میں کہا کہ صاحبزادہ جہانگیر کا کہنا تھا کہ وزیراعظم عمران خان کی جانب سے معاون خصوصی کا عہدہ دینا اعزاز کی بات ہے اور میں اس کام کےلئے کوئی تنخواہ اور مراعات نہیں لے رہا تھا۔
انہوں نے کہا کہ سوشل میڈیا کے ذریعے مجھ پر جھوٹے اور بے بنیاد الزامات لگائے گئے، میری کردارکشی کی گئی جو میری کارکردگی پر اثرانداز ہو سکتی تھی۔ان کا کہنا تھا کہ میں وزیر اعظم کیلئے کوئی مسئلہ پیدا نہیں کرنا چاہتا، ذاتی حیثیت میں ملک کےلئے سرمایہ لانے کا کام جاری رکھوں گا۔
وزیراعظم کے معاون خصوصی برائے سیاسی امور نعیم الحق نے بھی اس بات کی تصدیق کی ہے کہ صاحبزادہ جہانگیر نے معاون خصوصی کا عہدہ لینے سے معذرت کر لی ہے۔نعیم الحق نے کہا کہ صاحبزادہ جہانگیر نے سوشل میڈیا پر اپنے خلاف چلنے والی مہم پر عہدہ لینے سے معذرت کی۔
To work to attract foreign investments. I cannot permit any controversy & or problems for my Prime Minister, therefore I have decided to voluntarily withdraw from the assignment. Though in my private capacity I will continue to bring foreign investments to Pak.
— Sahibzada Jahangir (@ChicoJahangir) October 17, 2018