مولاناملک کی خاطر حکومت کے ساتھ بات چیت کریں

ایم کیو ایم پاکستان کے رہنما فیصل سبز واری نے کہا ہے کہ ہم امید کرتے ہیں کہ مولانا فضل الرحمن کی طرف سے حکومت کی اس پیشکش کا مثبت جواب آئے گا۔ایشو آف دی ڈے میں اظہار خیال کرتے ہوئے ان کا کہنا تھا کہ حکومت نے مولانا فضل الرحمن کو مذاکرت کی پیشکش کرکے اب بال جے یو آئی کی کورٹ میں دیدیا ہے اب یہ جے یو آئی کا فرض بنتا ہے کہ وہ ملک کی خاطر حکومت کے ساتھ بات چیت کریں اور اپنے عمل سے ثابت کریں کہ وہ بھی ملک کی نازک صورت حال میں کشمیریوں کے شانہ بشانہ کھڑے ہیں اور کوئی بھی ایسا کام نہیں کریں گے کہ جس سے ملک میں زرا سا بھی سیاسی عدم استحکام کا خدشہ ہو۔
فیصل سبز واری