وزیراعظم عمران خان نے ٹائیگر فورس کنونشن میں نوازشریف کی جو افسردہ تصویر دکھائی ، وہ دراصل کب کی ہے؟ جان کر وزیراعظم کو بھی افسوس ہوگا

وزیراعظم عمران خان نے ٹائیگر فورس کنونشن میں نوازشریف کی جو افسردہ تصویر ...
وزیراعظم عمران خان نے ٹائیگر فورس کنونشن میں نوازشریف کی جو افسردہ تصویر دکھائی ، وہ دراصل کب کی ہے؟ جان کر وزیراعظم کو بھی افسوس ہوگا

  

اسلام آباد (ڈیلی پاکستان آن لائن) وزیر اعظم عمران خان نے کنونشن سنٹر میں تقریب سے خطاب کے دوران سابق وزیر اعظم نواز شریف کی لندن جانے سے پہلے اور بعد کی تصاویر دکھادیں لیکن  لندن جانے سے پہلے کی یہ تصویر دراصل کس موقع پر بنائی گئی، ایسا انکشاف کہ جان کر شاید خود وزیراعظم عمران خان کو بھی افسوس ہوگا۔ 

ٹائیگر فورس کے جوانوں سے خطاب کرتے ہوئے وزیر اعظم عمران خان نے سکرین پر سابق وزیر اعظم نواز شریف کی لندن جانے سے پہلے اور بعد کی تصاویر چلوائیں۔ تصاویر پر تبصرہ کرتے ہوئے عمران خان نے کہا کہ ذرا اس کی شکل دیکھیں، جب انگلینڈ جانا تھا اور پھر انگلینڈ جا کر اس کی شکل کیا بنی۔ یہ وہی انسان ہے۔ان کی طرف سے تصویر دکھائے جانے کے بعد سوشل مٰیڈیا پر  نائلہ عنایت نے لکھا کہ "وزیراعظم عمران خان نے نوازشریف کی وہ تصویر دکھائی جب ان کی اہلیہ کلثوم نواز کا انتقال ہوا جو کہ بالکل ناپاک اور شرمناک حرکت ہے "۔

اس سے قبل  سینئر صحافی احمد نورانی کا کہناتھا کہ ”عمران خان نے آج کی تقریرمیں خواتین کاتمسخراڑایا، نوازشریف کی اس تصویر پرطنز کیاجس میں وہ بیگم کلثوم نواز کے قرب المرگ ہونے پر رنجیدہ کھڑے ہیں،خواجہ آصف نے جو لفظ کل استعمال کیا، میں سیاست ایسے الفاظ کے استعمال پر تنقید کرناچاہتاتھامگر عمران کی غلیظ زبان سن کر وہ لفظ بہت چھوٹا لگ رہاہے۔“

مزید :

اہم خبریں -قومی -