" وزیراعظم کے خطاب کے بعد اب سپیکر قومی اسمبلی کو استعفیٰ دے دینا چاہیے" حامد میر نے تجویز دے دی
اسلام آباد (ڈیلی پاکستان آن لائن) وزیراعظم عمران خان کے جیلوں میں موجود اپوزیشن رہنمائوں کے پروڈکشن آرڈر جاری نہ کرنے کا اعلان کیا تو سینئر صحافی حامد میر نے سپیکر کو مستعفی ہونے کی تجویز دیدی۔
ٹوئٹر پر حامد میر نے لکھا کہ " جی بالکل درست فرمایا آپ نے پروڈکشن آرڈر جاری کرنا سپیکر قومی اسمبلی کا اختیار ہے وزیراعظم نے یہ اعلان کر دیا ہے کہ اب کسی کا پروڈکشن آرڈر جاری نہیں ہو گا اس اعلان کے بعد سپیکر کو استعفیٰ دے دینا چاہئیے کیونکہ انکا اختیار وزیراعظم نے چھین لیا"
جی بالکل درست فرمایا آپ نے پروڈکشن آرڈر جاری کرنا سپیکر قومی اسمبلی کا اختیار ہے وزیراعظم نے یہ اعلان کر دیا ہے کہ اب کسی کا پروڈکشن آرڈر جاری نہیں ہو گا اس اعلان کے بعد سپیکر کو استعفیٰ دے دینا چاہئیے کیونکہ انکا اختیار وزیراعظم نے چھین لیا https://t.co/4ySC8ohg9P
— Hamid Mir (@HamidMirPAK) October 17, 2020
یادرہے کہ اراکین اسمبلی کے پروڈکشن آرڈر جاری کرنا متعلقہ اسمبلی کے سپیکر کا اختیار ہے اور گزشتہ روز کنونشن سے خطاب کرتے ہوئے وزیراعظم عمران خان نے پروڈکشن آرڈر جاری نہ کرنے کا اعلان کیا تھا۔عمران خان کا کہناتھاکہ "اب آپ مختلف عمران خان دیکھیں گے، کسی ڈاکو کو اسمبلی میں پروڈکشن آرڈر نہیں ملے گا، لیگی صدر شہباز شریف کے اوپر 23 ارب روپے کا انکشاف ہوا ہے، عدالت میں کلیئر ہونے تک کوئی پروڈکشن آرڈر نہیں ملے گا"۔
