آریان خان کی بھکاری بچی کی مدد کرنے کی پرانی ویڈیو دوبارہ وائرل ہوگئی
سورس: Instagram
ممبئی (ڈیلی پاکستان آن لائن) بالی ووڈ کے کنگ شاہ رخ خان کے صاحبزادے آریان خان منشیات کیس میں جیل میں ہیں، ایسے میں ان کی ایک پرانی ویڈیو وائرل ہوئی ہے جس میں انہیں ایک بھکاری بچی کو بھیک دیتے ہوئے دیکھا جاسکتا ہے۔
یہ ویڈیو اگست 2018 کی ہے جب آریان خان اپنے دوستوں کے ساتھ ایک شاپنگ مال سے نکل رہے تھے کہ اسی دوران ایک بھکاری بچی نے ان کے آگے ہاتھ پھیلا دیا، جس کے بعد آریان خان نے اپنی جیب میں ہاتھ ڈالا اور جتنے پیسے نکلے وہ بھکاری بچی کو دے دیے۔
3 اکتوبر کو منشیات کیس میں گرفتاری کے بعد آریان خان کی یہ پرانی ویڈیو ایک بار پھر وائرل ہو رہی ہے اور لوگ یہ کہہ رہے ہیں کہ آریان خان کو سخاوت اپنے والد شاہ رخ خان سے وراثت میں ملی ہے۔
View this post on Instagram
