اسلام آباد (خصوصی رپورٹ )کیا آپ جانتے ہیں کہ وطن عزیز میں ایک اہم قومی کمیشن ایسا بھی ہے جس کا اجلاس ہوئے 2دہائیوں سے زائد کا عرصہ بیت گیا ۔ اور اب بھی یہ پیش گوئی نہیں کی جا سکتی کہ اس کمیشن کا اجلاس کب ہو گا ؟
تفصیلات کے مطابق انتہائی اہم فورم نیشنل کمیشن فار سائنس و ٹیکنالوجی کا اجلاس 22سال میں نہیں ہو سکا ،آخری بار فورم کا اجلاس صدر پرویز مشرف کے دور میں 2002ء میں ہوا تھا ۔
"جنگ " نےذرائع کے حوالے سے بتایا ہے کہ مطابق کمیشن کا اجلاس بروقت ہونا چاہیے، اس سے حکمرانوں کی سائنس و ٹیکنالوجی کے فروغ میں دلچسپی کا بخوبی اندازہ لگایا جاسکتا ہے۔ذرائع کے مطابق 2002ء میں آخری بار قومی کمیشن فار سائنس و ٹیکنالوجی کا اجلاس ہوا تھا ،سائنس و ٹیکنالوجی میں آئے روز نئی جدتیں آ رہی ہیں ایسے میں کمیشن کا اجلاس بروقت ہونا اہم ترین قومی ضرورت ہے ۔