”بھارت جنسی زیادتیوں کی دھرتی“ یہ سن کر شرمندگی ہوتی ہے، امیتابھ بچن

”بھارت جنسی زیادتیوں کی دھرتی“ یہ سن کر شرمندگی ہوتی ہے، امیتابھ بچن
”بھارت جنسی زیادتیوں کی دھرتی“ یہ سن کر شرمندگی ہوتی ہے، امیتابھ بچن

  

ممبئی(این این آئی)بالی ووڈ کے میگا اسٹار امیتابھ بچن کا کہنا ہے کہ دنیا بھارت کو”اے لینڈ آف ریپس“ (خواتین سے زیادتی والی دھرتی) کے نام سے پکارتی ہے جو ہمارے لیے باعث شرمندگی ہے۔ممبئی میں اپنی فلم ”پنک “ کے حوالے سے منعقدہ پریس کانفرنس کے دوران امیتابھ کا کہنا تھا کہ ہم لوگ جب بیرون ممالک جاتے ہیں تووہاں مجھے دیکھ کر لوگ کہتے ہیں آپ کا تعلق بھارت سے ہے، لوگ بھارت کو ”اے لینڈ آف ریپس“ کہہ کر پکارتے ہیں اور یہ الفاظ ہمارے لئے باعث شرمندگی ہوتے ہیں، مجھے اچھا نہیں لگتا کہ لوگ بھارت کو تھرڈ ورلڈ ملک اور ترقی پذیر کہیں۔ انھوں نے کہا ہمیں یہ نہیں کہنا چاہیے کہ ممبئی کی نسبت خواتین کے لیے دہلی شہر زیادہ محفوظ ہے بلکہ ہمیں ایسے اقدامات پر قابو پانے کے لئے متفقہ لائحہ عمل طے کرنا چاہئے۔

مزید : تفریح