سعودی تنصیبات پر ڈرون حملے کس ملک سے ہوئے اور ایئر ڈیفنس سسٹم اسے روک کیوں نہیں پایا ؟امریکی حکام نے سب سے بڑا دعویٰ کر دیا

سعودی تنصیبات پر ڈرون حملے کس ملک سے ہوئے اور ایئر ڈیفنس سسٹم اسے روک کیوں ...
سعودی تنصیبات پر ڈرون حملے کس ملک سے ہوئے اور ایئر ڈیفنس سسٹم اسے روک کیوں نہیں پایا ؟امریکی حکام نے سب سے بڑا دعویٰ کر دیا

  


واشنگٹن (ویب ڈیسک ) امریکی حکام نے دعویٰ کیا ہے کہ سعودی عرب میں تیل کی تنصیبات پر ایران کی سرزمین سے حملہ کیا گیا تھا۔

ایکسپریس نیوز کے مطابق امریکی حکام نے دعویٰ کیا ہے کہ امریکا نے ایران میں اس مقام کا پتہ چلا لیا ہے جہاں سے سعودی عرب کی تیل کی تنصیبات پر ڈرونز اور کروز میزائل داغے گئے تھے۔غیر ملکی خبرایجنسی کے مطابق سینئر امریکی اہلکار نے نام ظاہر نہ کرنے کی شرط پر بتایا ہے کہ امریکی انٹیلی جنس سروسز کے پاس میزائل داغنے کی جگہ کا تعین کرنے کی صلاحیت موجود ہے۔

امریکی حکام نے خبررساں ایجنسی کو بتایا ہے کہ اب تک جو تحقیقات کی گئی ہیں اس کے مطابق سعودی عرب کی تیل کی تنصیبات پر جس جگہ سے حملے کئے گئے وہ مقام جنوبی ایران میں خلیج کے شمالی سرے پر واقع ہے، سعودی ایئر ڈیفنس نے ایران سے ہونے والے حملے کو اس وجہ سے نہیں روک پایا کیوں کہ ان کا رخ یمن کی جانب سے کئے جانے والے حملوں کو روکنے کے لیے جنوب کی جانب تھا۔

مزید : بین الاقوامی


loading...