وزیراعظم نے پٹواری اور کرپشن کلچر کے خاتمے کا حکم دیدیا لیکن متبادل کیا ہوگا؟ شاندار خبرآگئی

وزیراعظم نے پٹواری اور کرپشن کلچر کے خاتمے کا حکم دیدیا لیکن متبادل کیا ...
وزیراعظم نے پٹواری اور کرپشن کلچر کے خاتمے کا حکم دیدیا لیکن متبادل کیا ہوگا؟ شاندار خبرآگئی
کیپشن:    سورس:   creative commons license

  

اسلام آباد (اے پی پی) وزیراعظم عمران خان نے تعمیرات کے شعبے سے متعلقہ افراد کے لئے نظام آسان بنانے کی کوششوں پر اطمینان کا اظہار کرتے ہوئے ہدایت کی ہے کہ تمام صوبوں میں ایسے آن لائن نظام کو متعارف کرایا جائے جو استعمال میں آسان اور صارفین کو ہر ممکنہ سہولت فراہم کرے۔

پٹواری اور کرپشن کلچر کے خاتمے اور اراضی انتقال و دیگر معاملات میں ڈیجیٹلائزیشن متعارف کرنے پر خصوصی توجہ دی جائے جبکہ کرپشن یا عوام کے لئے بے جا مسائل کا سبب بننے والے عناصر کے خلاف سخت کارروائی یقینی بنائی جائے۔ کراچی کے ماسٹر پلان کو کم سے کم وقت میں مرتب کرنے پر خصوصی توجہ دی جائے۔ وہ جمعرات کو یہاں قومی رابطہ کمیٹی برائے ہاؤسنگ ‘ تعمیرات اور ترقی کے ہفتہ وار اجلاس کی صدارت کر رہے تھے۔

اس موقع پر چیف سیکرٹری سندھ نے بتایا کہ صوبہ سندھ میں 17شہروں کے ماسٹر پلانز کا از سر نو جائزہ لیا جا رہا ہے۔ تین شہروں کے ماسٹر پلان مرتب کر لئے گئے ہیں چھ شہروں کے پلانز کو دسمبر تک حتمی شکل دے دی جائے گی جبکہ بقیہ آٹھ کے ماسٹر پلان جون 2021 میں مکمل کر لیے جائیں گے۔ 

وزیرِ اعظم کو بتایا گیا کہ کراچی ماسٹر پلان 2047 کے کام کا دسمبر میں آغاز کر دیا جائے گا۔ چیف سیکرٹری کے پی نے بتایا کہ دیگر شہروں کے ساتھ ساتھ انضمام شدہ علاقوں کے شہروں کے ماسٹر پلانز کو بھی مرتب کیا جا رہا ہے۔کراچی شہر میں بغیر کسی منصوبہ بندی کے بڑھتی ہوئی آبادی کے پیش نظر وزیر اعظم نے خاص طور پر ہدایت کی کہ شہر قائد کے ماسٹر پلان کو کم سے کم وقت میں مرتب کرنے پر خصوصی توجہ دی جائے۔

مزید :

علاقائی -اسلام آباد -