دلِ گنہگار سے دعا  لی ہے | انجم سلیمی |

یہ بھی خفت تھی سو اُٹھا لی ہے
دلِ گنہگار سے دعا  لی ہے

میں اندھیرے میں ہوں مگر مجھ میں
روشنی نے جگہ بنا لی ہے

وہ جو اک مسترد محبت تھی
بوسہ دے کر گلے لگا لی ہے

پھول نا خوش نہیں ہوئے مجھ سے
باغ سے سانس بھر ہوا لی ہے

ایک ممنوعہ عشق کے پیچھے
عزتِ نفس بھی گنوا لی ہے

یہ لہو رنگ سی انار کی شاخ
میں نے دیوار سے نکالی ہے

اک قلم، اک کتاب ہے مرے پاس
ہاتھ خالی نہ ذہن خالی ہے

دل کے ملبے سے کچھ نہیں نکلا
ایک امید تھی بچا لی ہے

شاعر: انجم سلیمی

(شعری مجموعہ: "میں" سال اشاعت(دوسراایڈیشن)، 2019 )

Yeh    Khifat    Bhi    Mitta    Lia   Hay

Dil-e-Gunehgaar    Say    Dua    Li   Hay

Main    Andhairay    Men    Hun    Magar    Mujh   Men

Roshni    Nay    Jagah    Bana    Li    Hay

Wo    Jo   Ik    Mustrid   Muhabbat   Thi

Bosaa    Day    Kar    Galay     Laga    Li    Hay

Phool     NaKhush    Nahen    Huay      Mujh    Say

Baagh    Say    Saans    Bhar    Hawaa    Li   Hay

Aik    Mamnooa     Eshq    K    Peechhay

Ezzat-e-Nafs     Bhi    Ganwa    Li    Hay

Yeh    Lahu    Rang   Si    Anaar    Ki    Shaakh

Main    Nay    Dewaar    Say    Nikali    Hay

Ik    Qalam ,   Ik    Kitaab    Hay    Miray   Paas

Haath    Khaali    Na    Zehn    Khaali    Hay

Dil    K    Malbay    Say    Kuch    Nahen    Nikla

Aik    Umeed    Thi    Bacha    Lia   Hay

Poet: Anjum    Saleemi