بیلجیئم کی شہزادی کی فوجی ٹریننگ لیتے ہوئے تصاویر وائرل ہوگئیں
برسلز(مانیٹرنگ ڈیسک) بیلجیم کی ولی عہد شہزادی الزبتھ ان دنوں فوجی تربیت لے رہی ہیں اور اس تربیت کے دوران ان کی لی گئی کچھ تصاویر انٹرنیٹ پر تیزی سے وائرل ہو رہی ہیں۔ انڈیا ٹائمز کے مطابق شہزادی الزبتھ نے ہائی سکول سے گریجوایشن کے بعدآرمی کیمپ میں شمولیت اختیار کر لی ہے۔ وہ پہلی شہزادی ہے جس نے ملٹری سکول میں تربیت لینی شروع کی ہے اور اس کام میں وہ اپنے والد فلپ کی پیروی کر رہی ہیں۔
Belgium's Crown Princess Elisabeth, 18, who is next in line to the throne, begins military school. More photos: https://t.co/pFvgx7fz7x pic.twitter.com/nXlusIMSJs
— Reuters Pictures (@reuterspictures) September 16, 2020
رپورٹ کے مطابق اس وقت شہزادی الزبتھ کی بنیادی فوجی ٹریننگ جاری ہے۔ وہ بیلجیم کے شاہی خاندان کی پہلی خاتون ہیں جنہوں نے یہ فوجی سکول جوائن کیا ہے اور کسی امتیازی سلوک کی بجائے ان کی دیگر مردوخواتین کے ساتھ ہی ٹریننگ کروائی جا رہی ہے۔ واضح رہے کہ شہزادی الزبتھ 25اکتوبر 2001ءکو پید اہوئی تھیں۔ وہ بادشاہ فلپ اور ملکہ میٹلڈا کی سب سے بڑی بیٹی اور ولی عہد ہیں۔
