ملک بھر میں شہدائے کربلا کا چہلم عقیدت واحترام کے ساتھ منایاگیا

  ملک بھر میں شہدائے کربلا کا چہلم عقیدت واحترام کے ساتھ منایاگیا

  

 لاہور(آئی این پی)ملک بھر میں شہدائے کربلا کا چہلم عقیدت واحترام کے ساتھ منایاگیا، پنجاب بھر میں دفعہ 144 نافذ، ڈبل سواری پر پابندی اور اسلحہ کی نمائش بھی ممنوع قرار دی گئی تھی تفصیلات کے مطابق ملک بھر میں امام حسینؓ اور ان کے رفقا شہدا ء کربلا کا چہلم مذہبی عقیدت و احترام سے منایا گیا مختلف شہروں میں جلوسوں کی سکیورٹی کیلئے سخت اقدامات کئے گئے تھے ب کے مختلف شہروں میں چہلم شہدائے کربلا پر جلوس نکالے گئے لاہور میں مرکزی جلوس حویلی الف شاہ سے برآمد ہوا جو اپنے روایتی راستوں سے ہوتا ہوا کربلا گامے شاہ میں اختتام پذیرہوا،لاہور میں چہلم امام حسین کے روایتی جلوس اور عرس داتا دربار کی سکیورٹی کے لیے 220سی سی ٹی وی کیمرے نصب کیے گئے تھے جبکہ میٹروبس کا روٹ ایم اے او کالج سے شاہدرہ تک 3 بجے بند کردیا گیا تھا کراچی میں چہلم امام حسین ؓکا مرکزی جلوس دوپہر میں نشتر پارک سے برآمد ہو ا، جلوس نمائش، ایم اے جناح روڈ سمیت روایتی راستوں سے ہوتا ہوا امام بارگاہ حسیناں ایرانیاں کھارادر میں اختتام پذیرہوا، جلوس کی نگرانی کیلئے سکیورٹی کے بھی سخت انتظامات کئے گئے تھے جلوس کے راستوں میں پانی کی سبیلیں اور طبی کیمپ لگائے گئے تھے،اس کے علاوہ ملک کے تمام چھوٹے بڑے شہروں میں بھی شبیہ علم و ذوالجناح کے جلوس نکالے گئے، جلوس کی گزرگاہوں پر موبائل سروس جزوی طور پر بند رکھنے کے انتظامات کیے گئے تھے جبکہ موٹرسائیکل کی ڈبل سواری پرپابندی اورسیکورٹی کے بھی سخت انتظامات کیے گئے تھے۔

چہلم

مزید :

صفحہ اول -