زونگ نے ”گریجویٹ ٹرینی پروگرام “کے لئے درخواستیں وصول کرنے کے سلسلے کا آغاز کردیا
اسلام آباد(پ ر)ملک کے ٹیلی کام سیکٹر میں نمایاں کمپنی زونگ نے ”گریجویٹ ٹرینی پروگرام “کے لئے آج سے درخواستیں وصول کرنے کے سلسلے کا آغاز کردیا جس کی آخری تاریخ06مئی 2018ہے۔
ادارے کی جانب سے پریس ریلیز کے مطابق ملک میں نوجوان طبقے کو اپنی صلاحتیوں میں مزید نکھارلانے کے لئے”گریجویٹ ٹرینی پروگرام “ کے لئے آج سے درخواستوں کا آغاز کردیا جس کی آخری تاریخ06مئی 2018ہے۔18ماہ کے دورانیہ کے اس پروگرام میں کلاس روم ٹریننگ ،آن جاب ٹریننگ اور ماہرین کی جانب سے خصوصی لیکچرز دئیے جائیں گے۔پروگرام میں کمرشل (سیلز اینڈ مارکیٹنگ)،انجینئر نگ اور انفارمیشن ٹیکنالوجی سے منسلک طلباکو پروفیشنل ٹریننگ دی جائے گی۔ٹریننگ پروگرام میں اہلیت کے لئے آپ کی زیادہ سے زیادہ عمر26سال ہونی چاہیے جبکہ بی بی اے/ایم بے اے،انجینئر نگ(ٹیلی کام ،الیکٹریکل،الیکٹرونکس)اور انفارمیشن ٹیکنالوجی میں بیچلز اور ماسٹر ڈگری ہولڈر اپلائی کرسکتے ہیں ۔ادارے کے مطابق درخواست دہندہ کا سی جی پی اے 2.5یا70فی صد مارکس ہونے لازمی ہیں اور کسی بھی جگہ پر ملازمت کرتے ہوئے بھی ایک سال سے کم کا دورانیہ ہوا ہو۔