آئی سی سی سے شاہد آفریدی کی کرکٹ سے دوری برداشت نہ ہوئی ، کھلاڑی کیلئے ایسا اعلان کر دیا کہ سن کر بھارتیوں جل بھن جائیں گے

لاہور( ڈیلی پاکستان آن لائن ) شاہد آفریدی اور شعیب ملک ورلڈ الیون کی نمائندگی کریں گے، ورلڈ الیون اور ویسٹ انڈیز کی ٹیمیں 31 مئی کو لارڈز میں چیریٹی میچ کھیلیں گی جس کا مقصد کیریبیئن جزائز میں 2017 کے دوران آنے والے طوفانوں ارما اور ماریا سے تباہ ہونے والے کرکٹ کے 5 بڑے وینیوز کی بحالی کیلئے فنڈز اکٹھے کرنا ہے۔
تفصیلات کے مطابق عالمی ٹیم کی قیادت ایون مورگن کریں گے، سری لنکا کے تھسارا پریرا بھی ٹیم کا حصہ ہوں گے۔ ویسٹ انڈین ٹیم میں کرس گیل کو شامل کیا گیا ہے جبکہ ڈوپنگ کی وجہ سے ایک سال کی پابندی کے بعد آندرے رسل کو پہلی مرتبہ کیریبیئن اسکواڈ میں شامل کیا گیا ہے۔
اس حوالے سے شاہد آفریدی نے کہا کہ اتنے نیک مقصد کیلئے منتخب ہونے پر شکرگزار ہوں، کرکٹ ایک بہت بڑی فیملی ہے، اس کے تمام ممبرز، ساتھیوں اور کرکٹ کے مداحوں کی جیسے بھی ممکن ہو مدد کرنا ہماری اخلاقی اور پروفیشنل ذمہ داری ہے۔
واضح رہے کہ لارڈز کے ساتھ پاکستان ٹیم کی حسین یادیں وابستہ ہیں، اسی میدان پر پاکستان نے سری لنکا کو ہراتے ہوئے ٹی ٹوئنٹی ورلڈ کپ 2009 کی ٹرافی اپنے نام کی تھی۔