وزیراعظم کی پرنس آف ویلز شہزادہ چارلس سے ملاقات،دولت مشترکہ کے کامیاب انعقادپر مبارکباد
لندن(ڈیلی پاکستان آن لائن) وزیراعظم شاہد خاقان عباسی نے پرنس آف ویلز شہزادہ چارلس سے کلیرنس ہاونس لندن میں ملاقات کی جس میں انہوں نے دولت مشترکہ اجلاس کے کامیاب انعقاد پر مبارک باد دی ۔
Prime Minister Shahid Khaqan Abbasi meets HRH The Prince of Wales Charles Philip at Clarence House in London.
— Govt of Pakistan (@pid_gov) April 19, 2018
Prince Charles thanked #Pakistan for its high-level participation in the #CHOGM2018. He also commended Pakistan's valuable contribution to the Commonwealth. pic.twitter.com/YJaR9Rb09g
تفصیلات کے مطابق وزیراعظم شاہد خاقان عباسی نے پرنس آف ویلز شہزادہ چارلس سے کلیرنس ہاونس لندن میں ملاقات کی جس میں انہوں نے برطانیہ کو کامن ویلتھ ہیڈز آف گورنمنٹ میٹنگ 2018(سی ایچ او جی ایم) کے کامیاب انعقاد پر مبارکباد دی۔ وزیراعظم نے کہا کہ پاکستان دولت مشترکہ کا بانی ممبر ہونے کی حیثیت سے دولت مشترکہ کو بڑی اہمیت دیتا ہے۔ انہوں نے کہا کہ پاکستان آئندہ 2 سال کیلئے دولت مشترکہ کی برطانیہ کو صدارت ملنے پر اس کا خیرمقدم کرتا ہے۔ وزیراعظم نے عالمی سطح پر خیراتی اداروں کیلئے برطانیہ کے شاہی خاندان کی خدمات کو سراہا۔ اس موقع پر پرنس آف ویلز شہزادہ چارلس نے پاکستان کی کامن ویلتھ ہیڈز آف گورنمنٹ میٹنگ 2018 میں اعلیٰ سطح پر شرکت پر شکریہ ادا کیا۔ انہوں نے دولت مشترکہ کیلئے پاکستان کی گرانقدر خدمات کو بھی سراہا۔