شیخ رشید کی مذاکرات کی تردید لیکن اب ٹی ایل پی تحلیل کب ہوگی؟ وزیرداخلہ نے اعلان کردیا

شیخ رشید کی مذاکرات کی تردید لیکن اب ٹی ایل پی تحلیل کب ہوگی؟ وزیرداخلہ نے ...
شیخ رشید کی مذاکرات کی تردید لیکن اب ٹی ایل پی تحلیل کب ہوگی؟ وزیرداخلہ نے اعلان کردیا

  

 اسلام آباد (ویب ڈیسک)  وزیرداخلہ شیخ رشید کا کہنا ہے کہ 20 اپریل تک کالعدم ٹی ایل پی کو تحلیل کردیں گے، تحریک لبیک سے کسی قسم کے مذاکرات نہیں ہورہے۔

ایکسپریس نیوزکے مطابق وزیرداخلہ شیخ رشید نے اسلام آباد جی سیون میں سستا رمضان بازارکا دورہ کیا اور بازار میں قیمتوں کا جائزہ لیا،  عمران خان مہنگائی کنٹرول کرنےکےلیےاقدامات کررہےہیں، عوام کو سستے بازاروں کے ذریعے ریلیف دے رہے ہیں، عوام کوسستی اشیا مہیا کریں گے۔ ٹی ایل پی نے ملک کی  192 جگہوں کو بند کیا تھا، جن میں سے 191 جگہیں کلئیر کرادی گئی ہیں، اس وقت صرف لاہور یتیم خانہ چوک بند ہے اور اب بھی حالات کشیدہ ہیں، کالعدم تحریک لبیک والے کسی صورت اپنے ایجنڈے سے پیچھے ہٹنے کو تیار نہیں، ان کے ساتھ کوئی مذاکرات نہیں ہو رہے۔

شیخ رشید کہنا تھا کہ ہم ذہنی طور پر تیار نہیں تھے اس لئے تحریک لبیک کے خلاف ایسے اقدامات کرنا پڑے، حکومتی رٹ کے قیام کے سوا کوئی چارہ نہیں تھا، 20 اپریل تک کالعدم ٹی ایل پی کو تحلیل کردیں گے، ان کے اکاؤنٹ منجمد اور شناختی کارڈ بھی بلاک ہوں گے، اور اس تنظیم کے خلاف مزید کارروائی سے متعلق ایک ماہ میں کابینہ فیصلہ کرے گی۔

انہوں نے کہا کہ 20 اپریل کو راولپنڈی اسلام آباد کےشہریوں کو راستے کھلے ملیں گے۔ وزیراعظم نے گزشتہ روز ناموس رسالتﷺ سے متعلق اہم بیان دیا کہ کسی صورت گستاخی کو قبول نہیں کریں گے، ہم کسی صورت ناموس رسالتﷺ پر بات نہیں آنے دینا چاہتے۔شیخ رشید نے کہا کہ جہانگیر ترین پارٹی کا حصہ ہیں، امید ہے ساتھ ہی رہیں گے، کسی کو غلط زبان استعمال نہیں کرنی چاہئے، مجھے یقین ہے جہانگیر ترین کا معاملہ بھی ٹھنڈا ہوجائے گا۔

مزید :

اہم خبریں -قومی -