دو فرانسیسی اور ایک پاکستانی سائیکلسٹ لاہور پہنچ گئے

      دو فرانسیسی اور ایک پاکستانی سائیکلسٹ لاہور پہنچ گئے

  

لاہور(کرائم رپورٹر)دو فرانسیسی اور ایک پاکستانی سائیکلسٹ شمالی علاقہ جات کا سات دن کا سفر طے کرنے کے بعد لاہور پہنچ گئے ۔ غیر ملکی سائیکلسٹ کا کہنا تھا کہ پاکستان ایک پْرامن ملک ہے پاکستان کا دورہ زندگی کے یاد گار لمحات ہیں ۔ سائیکلسٹ کو خوش آمدید کہنے کے لئے لاہور کے مختلف سائیکلنگ کلبز کے درجنوں نوجوان،خواتین اور بچے لبرٹی مارکیٹ میں جمع ہوئے ۔ تینوں سائیکلسٹ نے ناران سے خنجراب پاس تک 600 کلومیٹر کا سفر سات دن میں طے کیا ۔ اس مہم کا مقصد دنیا کو پیغام دینا ہے کہ پاکستان ایک پْرامن ملک ہے ۔ فرانسیسی سائیکلسٹ جوز اور اولیور کا کہنا تھا کہ پاکستان کے لوگ بہت اچھے اور مہمان نواز ہیں پاکستانی کھانے بہت پسند آئے ۔ دنیا بھر کے لوگوں کے لئے پیغام ہے کہ وہ پاکستان آئیں ۔ منتظمین کا کہنا ہے کہ تینوں سائیکلسٹ کو لاہور بلانے کا مقصد سائیکلنگ کے کھیل کا فروغ دینا اور پاکستان کا اصل امیج دنیا کے سامنے پیش کرنا ہے ۔

فرانسیسی سائیکلسٹ

مزید :

صفحہ آخر -