ملک بھر میں انٹرنیٹ کی سروسز متاثر، پی ٹی اے کا مؤقف بھی آگیا

ملک بھر میں انٹرنیٹ کی سروسز متاثر، پی ٹی اے کا مؤقف بھی آگیا
ملک بھر میں انٹرنیٹ کی سروسز متاثر، پی ٹی اے کا مؤقف بھی آگیا

  

اسلام آباد (ڈیلی پاکستان آن لائن )ملک بھر میں انٹر نیٹ صارفین کو دشواری کاسا منا کرنا پڑ رہا ہے،جس پر پاکستان ٹیلی کمیونیکشن اتھارٹی (پی ٹی اے)نے بھی بیان جاری کر دیا ہے۔

سماجی رابطے کی ویب سائٹ ٹویٹر پر جاری پیغام  میں پی ٹی اے کا کہنا ہے کہ "پی ٹی سی ایل کی طرف سے اطلاع دی گئی ہےکہ  ملک کے جنوبی اور شمالی حصے کے درمیان ڈیٹا نیٹ ورکس میں مسئلہ ہے جس کی وجہ سے انٹرنیٹ  کنیکٹیویٹی (conectivity)کے مسائل پیدا ہو رہے ہیں۔ اس معاملے کی تحقیقات کی جا رہی ہیں ،صورتحال پر نظر رکھے ہوئے ہیں اور مزید اطلاعات شیئر کی جائیں گی"۔

خبر رساں ادارے "پرو پاکستانی "کے مطابق ٹیلی نار انتظامیہ کا کہنا ہے کہ صارفین کو درپیش مسائل کی وجہ ملک بھر میں ہونے والی تیز بارشیں اور سیلاب ہیں بالخصوص سندھ اورسنٹرل پنجاب میں بارش کے باعث اوپٹیکل لائن کو نقصان ہوا  جس کے باعث ڈیٹا صارفین کو دشواری کا سامنا ہے ۔

واضح رہے کہ ملک بھر میں ڈیٹا صارفین کو دشواری کا سامنا ہے ،"یوفون "اور "ٹیلی نار " سمیت دیگر نیٹ ورکس کے صارفین کو اس وقت مسائل کا سامنا ہے جس پر وہ اس وقت ٹویٹر پر آواز اٹھا رہے ہیں ۔

مزید :

اہم خبریں -قومی -