میڈیکل طالبہ پر تشدد کرنیوالی انا علی نے حفاظتی ضمانت کے لئے اسلام آباد ہائی کورٹ سے رجوع کرلیا

میڈیکل طالبہ پر تشدد کرنیوالی انا علی نے حفاظتی ضمانت کے لئے اسلام آباد ہائی ...
میڈیکل طالبہ پر تشدد کرنیوالی انا علی نے حفاظتی ضمانت کے لئے اسلام آباد ہائی کورٹ سے رجوع کرلیا

  

اسلام آباد (ویب ڈیسک) فیصل آباد میں  شادی سے انکار پر اپنی ہی دوست پر تشدد کرنے والی ملزمہ انا علی نےحفاظتی ضمانت کے لئے اسلام آباد ہائی کورٹ سے رجوع کر لیا۔

ایکسپریس نیوز کے مطابق فیصل آباد میں میڈیکل کی طلبہ پر تشدد کرنے والی شیخ دانش علی کی بیٹی  ملزمہ انا علی  نےحفاظتی ضمانت کیلئے اسلام آباد ہائیکورٹ سے رجوع کرلیا ہے۔انا علی نے اسلام آباد ہائیکورٹ میں درخواست دائر کی ہے جس میں کہا گیا ہے کہ وہ کم عمر ہیں اور انہیں پولیس کی جا نب سے گرفتار کا خدشہ ہے۔

انا علی نے درخواست میں مؤقف اختیار کیا ہے کہ وہ جائے وقوعہ پر موجود بھی نہیں تھی مگر مقدمے میں نامزد کیا گیا انا علی کا کہنا ہے کہ بیرونی پریشر پر پولیس مجھے گرفتار کرنا چاہتی ہے، تسلیم شدہ اصول ہے جرم ثابت ہونے تک کوئی بھی معصوم ہی تصور ہو گا۔

ملزمہ نے  اسلام آباد ہائی کورٹ سے مطالبہ کیا ہے کہ وہ متعلقہ عدالت میں پیش ہونا چاہتی ہیں انہیں حفاظتی ضمانت دی جائے۔

مزید :

علاقائی -اسلام آباد -