پٹرول پمپ پر سعودی نوجوان کا غیرملکی ملازم پرتشدد

پٹرول پمپ پر سعودی نوجوان کا غیرملکی ملازم پرتشدد

ریاض(این این آئی)سعودی عرب میں سوشل میڈیا کی ویب سائیٹ پر ایک نئی ویڈیو تیزی کیساتھ وائرل ہو رہی ہے جس میں ایک سعودی نوجوان کو پٹرول پمپ کر کام کرنے والے ایک غیرملکی شہری پر تشدد کرتیدکھایا گیا ہے۔عرب ٹی وی کے مطابق اس نوعیت کے واقعات پہلے بھی رونما ہوتے رہے ہیں اور غیرملکی ملازمین پر تشدد کے مرتکب افراد قانون کی گرفت سے نہیں بچ سکے ہیں۔ مذکورہ ویڈیو میں دکھائے گئے شخص کے خلاف بھی قانون جلد حرکت میں آئے گا۔ سعودی عرب میں ایک پٹرول پمپ سے پٹرول ڈلوانے کے بعد جب ’اکسنٹ‘ ماڈل کے کار ڈرائیور نے غیرملکی ملازم کو پٹرول کے پیسے ادا نہ کیے تو اس نے کار کے بند دروازے پرمتعدد مرتبہ دستک دے کر کار کے مالک کو متنبہ کیا۔ اس پر کار میں سوار نوجوان باہر نکلا اور اس نے غیرملکی ملازم پر تھپڑوں کی بارش کردی۔ پھر دوبارہ کار میں داخل ہوا اور وہاں سے ایک لاٹھی نکال کر غیرملکی شہری کو اس کے ساتھ بھی تشدد کا نشانہ بنایا۔سوشل میڈیا پر اس واقعے کے رد عمل میں شہریوں نے سعودی نوجوان کے خلاف سخت غم وغصے کا اظہار کیا ہے اور قانون نافذ کرنے والے اداروں سے مطالبہ کیا ہے کہ اس مجرمانہ وارادات کا سختی سے نوٹس لیں اور ملزم کی شناخت کرکے اسے قانون کے کٹہرے میں کھڑا کریں۔

مزید : عالمی منظر

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...