نیوزی لینڈ اور بنگلہ دیش میں پہلا ون ڈے 26 دسمبر کوہو گا

نیوزی لینڈ اور بنگلہ دیش میں پہلا ون ڈے 26 دسمبر کوہو گا

کرائسٹ چرچ(اے پی پی) نیوزی لینڈ اور بنگلہ دیش کی کرکٹ ٹیموں کے مابین تین ون ڈے میچوں پر مشتمل سیریز کا پہلا میچ 26 دسمبر کو کرائسٹ چرچ میں کھیلا جائے گا۔ تفصیلات کے مطابق بنگہ دیش کی کرکٹ ٹیم ان دنوں دورہ نیوزی لینڈ پر ہے جہاں وہ تین ون ڈے، تین ٹی 20 اور دو ٹیسٹ میچوں کی سیریز کھیلے گی۔ دونوں ٹیموں کے مابین پہلا ون ڈے 26 دسمبر کو کرائسٹ چرچ جبکہ دوسرا اور تیسر میچ بالترتیب 29 اور 31 دسمبر کو نیلسن میں کھیلا جائے گا۔ ٹی 20 سیریز کا پہلا میچ 3 جنوری، دوسرا 6 جنوری جبکہ تیسرا اور آخری ٹی 20 میچ 8 جنوری کو کھیلا جائے گا۔ دونوں ٹیموں کے درمیان سیریز کا پہلا ٹیسٹ 12 سے 16 جنوری تک ویلنگٹن جبکہ دوسرا اور آخری ٹیسٹ 20 سے 24 جنوری تک کرائسٹ چرچ میں کھیلا جائے گا۔

مزید : کھیل اور کھلاڑی