سوات کے صحافیوں نے قیام امن کیلئے بھر پور کردار ادا کیا،ڈپٹی کمشنر

    سوات کے صحافیوں نے قیام امن کیلئے بھر پور کردار ادا کیا،ڈپٹی کمشنر

  



سوات (بیورورپورٹ) ڈپٹی کمشنر ثاقب رضا اسلم نے کہا ہے کہ سوات کے صحافیوں نے قیام امن کیلئے جو کردار ادا کیا ہے وہ کسی سے ڈھکی چھپی نہیں ہے صحافیوں کا اتحاد خوش ائند ہے انتظامیہ صحافیوں کے مسائل کے حل کیلئے تمام تر وسائل بروئے کار لائیگی ان خیالات کا اظہار گزشتہ روز سوات پریس کلب کے انتخابات کے بعد نومنتخب کابینہ کو مبارک باد دینے کے موقع پر تقریب سے خطاب کرتے ہوئے کیا اس موقع پر سوات یونیورسٹی کے رجسٹرارا محبوب الرحمان، ریجنل انفارمیشن افیسر ابن امین، سوات ٹریڈ فیڈریشن کے صدر عبدالرحیم، سابق تحصیل ناظم اکرام خان، ڈیڈک چیئرمین فضل حکیم کے نمائندہ عدنا خان، تحصیل بابوزئی کے سابق اپوزیشن لیڈر شاہد علی خان، ٹرانسپورٹر مشتاق خان عرف سوات خان اور دیگر نے بھی خطاب کیا انہوں نے کہا کہ آج مجھے دلی خوشی ہوئی کہ سوات کے صحافیوں کے درمیان گروپ بندی کا خاتمہ ہوا اور باہمی مشاورت کابینہ لاما قابل تعریف ہے آپ لوگوں نے دہشتگردی کے جنگ میں فرنٹ لائن مین کا کردار ادا کیا ہے اب تعمیر و ترقی کیلئے بھی مشترکہ کردارا دا کرنا ہوگا آپ صحافیوں کی قربانیاں روز روشن کی طرح عیاں ہے انہوں نے کہا کہ سوات انتظامیہ صحافیوں کے مسائل حل کرنے کے لئے ترجیحی بنیادوں پر اقدامات اٹھا رہی ہے اور سوات کے صحافیوں کے لئے منظور کردہ میڈیا کا لونی کا کام مکمل ہوچکا ہے، وزیر اعلیٰ محمود خان جلد میڈیا کالونی کا سنگ بنیاد رکھیں گے جس سے سوات کے صحافیوں کے مشکلات میں کمی آجائیگی۔

مزید : پشاورصفحہ آخر