لاہور جلسے کے حوالے سے حکومت کے ہونٹ نہیں کانپتی ٹانگیں دیکھی جائیں: کیپٹن(ر)صفدر

لاہور جلسے کے حوالے سے حکومت کے ہونٹ نہیں کانپتی ٹانگیں دیکھی جائیں: ...
لاہور جلسے کے حوالے سے حکومت کے ہونٹ نہیں کانپتی ٹانگیں دیکھی جائیں: کیپٹن(ر)صفدر

  

 لاہور(آئی این پی ) پا کستان مسلم لیگ(ن) کے رہنما کیپٹن ریٹائرڈ صفدر نے کہا ہے کہ لاہور جلسے کے حوالے سے حکومت کے ہونٹوں کو ہلتا نہیں بلکہ ان کی کانپتی ٹانگیں دیکھی جائیں۔

لاہور میں میڈیا سے گفتگو کرتے ہوئے کیپٹن ریٹائرڈ صفدر نے کہا کہ ان پر قائم کئے مقدمات کی نوعیت وہی ہے جو کراچی میں جذبات میں آکر بنائے گئے مقدمے کی تھی۔ سیاست دانوں کے خلاف جھوٹے کیسز بنائے جارہے ہیں یہ پہلے بھی ہوتا رہا ہے، سیاستدانوں کے خلاف پہلے نیب فعال تھا تو اب اینٹی کرپشن کو پیچھے لگایا جارہا ہے کیونکہ نیب اپنی نیک نامی گنوا بیٹھی ہے، اس کے بعد ایف آئی اے کو استعمال کریں گے،پھر یہ حکومت ہی ختم ہو جائے گی۔

لاہور جلسے سے متعلق کیپٹن ریٹائرڈ صفدر کا کہنا تھا کہ 13 دسمبر کو ہونے والا جلسہ کامیاب تھا۔ اس حوالے سے حکومت کے ہونٹوں کو ہلتا نہ دیکھا جائے بلکہ ان کی کانپتی ٹانگیں دیکھی جائیں۔

دوسری جانب لاہور کی سیشن عدالت نے کار سرکار میں مداخلت اور کرونا ایس او پیز کی خلاف ورزی کے مقدمے میں نامزد کیپٹن ریٹائرڈ صفدر کی عبوری ضمانت میں 16 جنوری تک توسیع کر دی اور پولیس کو گرفتاری سے روک دیا ہے۔

مزید :

علاقائی -پنجاب -لاہور -