سستی شہرت کیلئے ایک اور ٹک ٹاکر کا اپنی موت کا ڈرامہ، پاکستانیوں کو غصہ چڑھادیا
لاہور (ڈیلی پاکستان آن لائن) بعض پاکستانی ٹک ٹاکرز کی جانب سے سستی شہرت کیلئے ہر روز نت نئے ڈرامے کیے جاتے ہیں۔ پہلے ایک خاتون نے اپنے شوہر کی موت کا ڈرامہ کیا جس کے بعد اب ایک اور خاتون ٹک ٹاکر نے اپنی ہی موت کا ڈرامہ رچادیا۔
ویب سائٹ پڑھ لو کے مطابق نائلہ جٹ نامی ٹک ٹاکر خاتون نے اپنی موت کا جھوٹا ڈرامہ کیا۔ ان کی کفن میں لپٹی ایک تصویر بھی وائرل ہوئی اور یہاں تک کہ ٹوئٹر پر ٹرینڈ بھی بن گیا۔
نائلہ جٹ کی کفن والی تصویر شیئر کرتے ہوئے یہ الزام بھی لگایا گیا کہ انہیں قتل کیا گیا ہے اور انہیں انصاف ملنا چاہیے۔ ٹک ٹاکر گرل کی تصویر وائرل ہونے کے بعد ٹوئٹر پر جسٹس فار نائلہ جٹ کا ہیش ٹیگ بھی ٹرینڈ کرتا رہا۔
نائلہ جٹ کی موت کا ڈرامہ زیادہ دیر نہیں چلا اور جلد ہی بعض سوشل میڈیا صارفین سچ سامنے لے آئے۔ سوشل میڈیا پر نائلہ جٹ کی ایک آڈیو بھی سامنے آئی جس میں وہ دوسرے ٹک ٹاکرز کو کہہ رہی ہیں کہ ان کی موت کی خبر پھیلائی جائے۔
In logo ne sahi mazaq bnya hua moat ka #nailajutt pic.twitter.com/NB3mCDNuNM
— Sad AF (@kyubtye) December 11, 2020
آڈیو کلپ سامنے آنے کے بعد نائلہ جٹ کو سوشل میڈیا پر کڑی تنقید کا سامنا ہے اور لوگ انہیں خوب سنا رہے ہیں۔ ایک صارف نے کہا کہ بعض لوگ شہرت کیلئے گندگی کی حد تک گر سکتے ہیں جس کا ثبوت یہ ایک واقعہ ہے۔
Naila Jutt send Fake Death Picture of her and asked tiktokers to post of her death...
— M. AHSAN WAQAR (@MAHSANWAQAR2) December 11, 2020
Just to get fame, that's what some litter people can go... #nailajutt pic.twitter.com/tUgwEB2wmh
عائشے نامی ایک صارف نے کہا کہ ’ان گھٹیا لوگوں نے موت کو مذاق سمجھ رکھا ہے، مجھے یہ پہلے ہی پبلسٹی سٹنٹ لگ رہا تھا، انہوں نے لوگوں کے جذبات کو کھلونا سمجھ رکھا ہے۔‘
In ghatiya logo ne moat ko mazaq samjh rakha hy. Mujhe ye pehle hi ye publicity stunt lag raha tha. Logo k emotions ko toy samjh rakha hy FM????#JusticeForNailaJutt @snowsaying pic.twitter.com/kiXMsRyZd5
— ????♀️ (@Aiishayy) December 11, 2020
ٹک ٹاکر نائلہ جٹ کا کہنا ہے کہ ان کے انسٹاگرام کو ہیک کرکے ان کی یہ تصویر پھیلائی گئی۔ انہیں تو یہ بھی نہیں پتہ کہ ان کا انسٹاگرام کون استعمال کر رہا ہے۔
The reason why i hate Tiktokers. Fame k liye kuch bhi krty hain. Even apni mout ka tamasha bhi#nailajutt Koi valid reason btati ???????? pic.twitter.com/0JBlUlMHpw
— Zunii♡ (@snowsaying) December 11, 2020
خیال رہے کہ اس سے پہلے ٹک ٹاکر عادل راجپوت کی موت کا بھی ڈرامہ کیا گیا تھا۔ ان کی بیوی نے روتے ہوئے ایک ویڈیو ٹک ٹاک پر ڈالی تھی اور کہا تھا ’عدنان کا فون آیا ہے، عادل نہیں رہے۔‘ خاتون کی جانب سے استعمال کیے گئے یہ الفاظ ان کا جھوٹ سامنے آنے کے بعد آج بھی میمز میں استعمال ہو رہے ہیں۔