ویسٹ انڈیز کرکٹ ٹیم کے ہیڈ کوچ فل سمنز کوایک اور بڑا عہدہ مل گیا 

لاہور (ڈیلی پاکستان آن لائن)ویسٹ انڈین کرکٹ بورڈ نے ہیڈ کوچ فل سمنز کو چیف سلیکٹر کی ذمہ داریاں بھی سونپ دی ہیں۔

میڈیا رپورٹس کے مطابق ویسٹ انڈیز کرکٹ ٹیم کے چیف سلیکٹر راجر ہارپر کی مدت ملازمت 31 دسمبر کو ختم ہورہی ہے لیکن کرکٹ بورڈ ان کے معاہدے میں توسیع نہیں چاہتا۔راجر ہارپر کےجانےکےبعد ویسٹ انڈیز کرکٹ ٹیم کےہیڈ کوچ فل سمنز کو عبوری طور پر چیف سلیکٹر کی بھی ذمہ داریاں سونپ دی گئی ہیں۔

فل سمنز مختلف فارمیٹ کے کپتانوں کے ساتھ مل کر ٹیم کے کھلاڑیوں کا انتخاب کریں گے۔ویسٹ انڈیز میں راجر ہارپر پر سلیکشن کے حوالے سے کافی تنقید کی جارہی ہے، ان کے دور میں ویسٹ انڈیز  ٹیم 16 میں پانچ  ٹیسٹ، 21 ون ڈے مقابلوں میں سے 12 جب کہ 39 ٹی ٹوئنٹی میچز میں سے 14 میں ہی کامیاب ہوپائی ہے۔اس کے علاوہ ٹی 20 ورلڈ کپ میں ویسٹ انڈیز کی انتہائی خراب کارکردگی کاذمہ داربھی راجر ہارپر کو ہی ٹھہرایا جارہا ہے۔ناقدین کا کہناہےکہ میگا ایونٹ کے لیے ویسٹ انڈیز کی کرکٹ ٹیم میں آل راونڈر جیسن ہولڈر کو شامل نہیں کیا گیا تھا حالانکہ وہ اس سے قبل ہی وقت پہلے ہونے والےانڈین  پریمئر  لیگ(آئی پی ایل) میں کامیاب ترین باولر تھے۔

''انٹیلی جنس ایجنسیوں نے ایک گفتگو پکڑی ہے جس پر آج رات کو عمل کیا جانا تھا،، رانا ثنا اللہ کی تہلکہ خیز ہنگامی پریس کانفرنس