سپریم کورٹ نے فون اسمگلنگ کی ملزمہ کی ضمانت منظور کر لی

 اسلام آباد (آئی این پی)سپریم کورٹ آف پاکستان  نے فون اسمگلنگ کی ملزمہ کی ضمانت منظور کر لی۔سپریم کورٹ نے لاہور ہائی کورٹ کا فیصلہ کالعدم قرار دیا اور فونز اسمگلنگ کی ملزمہ کی ضمانت 2 لاکھ روپے کے مچلکوں کے عوض منظور کی۔ملزمہ کی ضمانت بعد از گرفتاری کا فیصلہ جسٹس مسرت ہلالی نے تحریر کیا جس میں کہا گیا ہے کہ ضمانت منسوخی کے وقت عدالت کو ملزمہ کا خاتون ہونا مدِ نظر رکھنا چاہیے تھا۔ عدالتی فیصلے میں کہا گیا ہے کہ ملزمہ کے مجرمانہ ریکارڈ، جرم کی نوعیت اور فرار نہ ہونے کو بھی مدِ نظر رکھنا چاہیے تھا، صرف قانون کا حوالہ دے کر سزا سنانا غیر مناسب ہے۔فیصلے میں کہا گیا ہے کہ ملزمہ کا کوئی مجرمانہ ریکارڈ نہیں اور نہ ہی اشتہاری ہونے کا کوئی ریکارڈ ہے۔سپریم کورٹ کے مطابق لاہور ایئر پورٹ پر دورانِ چیکنگ ملزمہ سے 26 آئی فون برآمد ہوئے تھے، جن کی مالیت 78 لاکھ 46 ہزار 798 روپے بنتی ہے۔

سپریم کورٹ