پروازوں کی بحالی،پی آئی اے انتظامیہ  کا برطانوی محکمہ ٹرانسپورٹ کو مراسلہ

 کراچی(این این آئی)پی آئی اے انتظامیہ نے برطانیہ میں قومی ایئرلائن کی پروازوں کی بحالی کیلئے برطانوی محکمہ ٹرانسپورٹ اورسول ایوی ایشن اتھارٹی کو مراسلہ ارسال کردیا۔ سی ای اوپی آئی اے خرم مشتاق کی ہدایت پرقومی ایئرلائن کے جنرل منیجر کوالٹی اینڈ سیفٹی ایشورنس کی جانب سے برطانیہ میں پروازوں کی بحالی کے متعلقہ مراسلہ لکھا گیا ہے۔خط کے متن کے مطابق برطانیہ میں پی آئی اے کی پروازوں کی بحالی کی اجازت دی جائے، پی آئی اے کی جانب سے برطانیہ میں تھرڈ کنٹری آتھورائیزیشن اجازت نامہ بھی بحال کرنے کی درخواست کی جاتی ہے۔مراسلے کے مطابق پی آئی اے لندن،برمنگھم مانچسٹرمیں پروازیں آپریٹ کرے گی،اس تناظر میں یورپی ملکوں میں بحالی کے بعد پہلی پرواز 10جنوری 2025کو پیرس پہنچے گی۔ذرائع کے مطابق پی آئی اے کی برطانیہ میں پروازوں کی بحالی سے ایئرلائن کی آمدنی میں اضافہ ہوگا۔واضح رہے کہ 4 سال قبل یورپ سمیت برطانیہ میں پی آئی اے کی پروازوں پرپائلٹس لائسنس امتحان اسکینڈل کے بعد پابندی لگائی گئی تھی۔

مراسلہ