اسلام آباد کے 3حلقوں کیلئے  نئے الیکشن ٹریبونل نے فریقین  کو نوٹس جاری کر دیئے

اسلام آباد (این این آئی)اسلام آباد کے 3حلقوں کے لیے نئے الیکشن ٹریبونل نے 5 ماہ بعد کام کا آغاز کرتے ہوئے فریقین کو 24 دسمبر کے لیے نوٹس جاری کر دیے۔جسٹس ریٹائرڈ شکور پراچہ نے بطور الیکشن ٹریبونل نے فریقین کو نوٹس جاری کیے۔الیکشن ٹریبونل کی سماعت آج فریقین کی عدم موجودگی کے باعث آگے نہیں بڑھ سکی جس پر سب کو نوٹس جاری کیے گئے۔ٹریبونل نے پی ٹی آئی کے تین امیدوار علی بخاری، عامر مغل اور شعیب شاہین جبکہ لیگی ایم این ایز طارق فضل چوہدری، انجم عقیل خان اور راجہ خرم کو جاری کیے ہیں۔واضح رہے کہ جسٹس طارق جہانگیری نے بطور الیکشن ٹریبونل جولائی میں آخری سماعت کی تھی۔ حکومت کی جانب سے قانون میں تبدیلی کے بعد جسٹس طارق جہانگیری ٹریبیونل کو الیکشن کمیشن نے تبدیل کر دیا تھا۔

نوٹس جاری