وزیراعظم نے ہاؤسنگ سیکٹر کی ترقی کیلئے 11رکنی ٹاسک فورس بنا دی 

اسلام آباد(این این آئی)وزیراعظم شہباز شریف نے ہاؤسنگ سیکٹر کی ترقی کیلئے 11 رکنی ٹاسک فورس بنادی، جو شعبے کیلئے قابل عمل ٹیکسیشن نظام تجویز کرے گی۔ اعلا میہ کے مطابق وزیراعظم کی بنائی گئی ٹاسک فورس کے چیئرمین وزیر ہاؤسنگ اینڈ ورکس ہوں گے، دیگر ارکان میں وزیر خزانہ، وزیر مملکت ریونیو، چیئرمین ایف بی آر، ڈائریکٹر جنرل ویلفیئر شامل ہیں۔اعلا میہ کے مطابق ٹاسک فورس ہاؤسنگ سیکٹر کی ترقی کیلئے فریم ورک کی سفارشات، شہری منصوبہ کی پالیسیوں اور عملی اقدامات پر تجاویز دے گی۔ٹاسک فورس ہاؤسنگ اور کنسٹرکشن سیکٹر کیلئے بھی قابل عمل ٹیکسیشن نظام تجویز کرے گی اور ایک ماہ میں وزیراعظم شہباز شریف کو اپنی رپورٹ پیش کرے گی۔

ہاؤسنگ سیکٹر