عمران خان سول نافرمانی کی دشمنانہ خواہش پوری کر لیں:عطا تارڑ

اسلام آباد(ڈیلی پاکستان آن لائن )وفاقی وزیر اطلاعات و نشریات عطاءاللہ تارڑ نے کہا ہے کہ عمران خان سول نافرمانی کی بچگانہ اور دشمنانہ خواہش پوری کر لیں لیکن این آر او پھر بھی نہیں ملے گا۔
روز نامہ امت کے مطابق سماجی رابطے کی ویب سائٹ ”ایکس“ پر اپنے پیغام میں عطاءاللہ تارڑ نے کہا کہ ”فتنہ السیاست“ اپنی پر تشدد کارروائیوں کی پر زور ناکامی کے بعد ایک اور ملک و قوم مخالف سٹریٹجی پر عمل پیرا ہونے کی ضد کر رہا ہے۔
واضح رہے کہ گزشتہ روز عمران خان نے ایک بار پھر اپنے دو مطالبات پورے کرنے کے لئے اتوار تک کا الٹی میٹم دیتے ہوئے کہا تھا کہ اس کے بعد پھر سول نافرمانی تحریک کا اعلان کروں گا۔