دوران پرواز دوطیارے آپس میں ٹکراگئے،ہلاکتیں

دوران پرواز دوطیارے آپس میں ٹکراگئے،ہلاکتیں
دوران پرواز دوطیارے آپس میں ٹکراگئے،ہلاکتیں

  



میلبورن(ڈیلی پاکستان آن لائن)آسٹریلوی شہر میلبورن میں دوران پرواز دوطیارے آپس میں ٹکراگئے جس کی وجہ سے چار افراد ہلاک ہوگئے۔

برطانوی اخبار ڈیلی میل کے مطابق واقعہ آسٹریلوی شہر میلبورن کے شمال میں ایک سو تیس کلومیٹر دوری پر مینگلور نامی علاقہ میں پیش آیا،دونوں ایئرکرافٹس پر دو دو افراد سوار تھے ان میں سے کوئی بھی زندہ نہیں بچااور موقع پر ہی دم توڑگئے۔

وکٹوریہ پولیس کے مطابق صورتحال سے پتہ چلتا ہے کہ دونوں طیارے فضا میں باہم ٹکرانے کے بعد تباہ ہوئے۔پولیس کی جانب سے مرنے والوں کی شناخت ظاہر نہیں کی گئی۔جس جگہ واقعہ پیش آیا وہاں سے تھوڑے ہی فاصلے پر ایئر پورٹ اور ایک فلائٹ تربیتی سکول بھی موجود ہے۔

حکام کے مطابق اس حوالے سے مزید تحقیقات کی جارہی ہیں جس کے بعد مکمل تفصیلات جاری کی جائیں گی۔

مزید : بین الاقوامی