شفیع الدین اشرف کے مشن کو پورا کریں گے،عمران بیگ

کراچی (پ ر) رئیس اپنیک شفیع الدین اشرف کے اخباری کارکنان اور میڈیا ورکرز کے آئینی حقوق کی جدوجہد کے مشن کو جاری رکھا جائے گا اس عزم کا اظہار چیئرمین کراچی ایپنک مرزا عمران بیگ کی زیر صدارت اجلاس میں کیا گیا۔اجلاس میں آئندہ ماہ 12-14 مارچ کو لاہور میں منعقدہ BDC میں شمولیت کے انتظامی معاملات اور 13 مارچ کو مرکزی اپنیک کے الیکشن میں شرکت پر تفصیلی مشاورت کی گئی۔اجلاس میں نئے یونٹس کے قیام کے لئے کوششیں تیز کرنے اور کراچی اپنیک کے الیکشن کرانے کے معاملات بھی زیر غور آئے اس موقع پر کے یو جے کے سیکرٹری فہیم صدیقی نے کہا کہ میڈیا ورکرز کے اتحاد و یکجہتی ہماری جدوجہد کی کامیابی میں کلیدی کردار ادا کرے گی، مر کزی چیئرمین محمد عرفان علی نے تنظیموں کے درمیان رابطوں کو مضبوط کرنے اور سوشل میڈیا کے استعمال پر زور دیا۔ مرکزی سیکرٹری جنرل عبیداللہ نے حال ہی میں لاہور میں منعقدہ جوائنٹ سیشن کے بارے میں اجلاس کے شرکاء کو تفصیلات سے  آگاہ کیا۔اجلاس میں کراچی اپنیک کے تمام یونٹس بشمول KUJ کے درمیانی رابطوں کو مزید مضبوط کرنے اور تمام ورکرز کو قانونی معاونت فراہم کرنے پر زور دیا گیا شرکاء  نے ورکرز کے حقوق کے تحفظ کا اعادہ کرتے ہوئے مسائل کے حل کے لیے ل کوششیں جاری رکھنے کا عزم کیا۔اجلاس میں ایپنک کے مرکزی چیئرمین محمد عرفان علی، سیکرٹری عبیداللہ اور KUJ کے جنرل سیکرٹری فہیم صدیقی نے خصوصی طور پر شرکت کی کی دیگر ساتھیوں میں ہیرالڈ ورکرز یونین کے جنرل سیکرٹری ریشاد محمود، کراچی اپنیک کہ ا نفارمیشن سیکرٹری منصور یوسف، میڈیا ورکرز آرگنائیزیشن کے فنانس سیکرٹری غلام فرید، اسامہ عباسی، وقار جمال اور دیگر ساتھیوں نے شرکت کی۔