دعویٰ درست یا غلط الگ بات، مگر الیکشن کمیشن کو نوٹس لینا چاہیے
پاکستان پیپلز پارٹی کی سینیٹر سسی پلیجو نے کہا ہے وزیر اعظم کے اس دعوے کاالیکشن کمیشن کو فوری طور پر نوٹس لینا چاہئے وہ اسلئے کہ سینیٹ الیکشن میں جیت آپ کی اسمبلی میں موجود ارکان اسمبلی کی تعداد کے حوالے سے ہوتی ہے اور اسی کو مد نظر رکھتے ہوئے آپ اپنے امیدوار بھی کھڑے کرتے ہیں جبکہ حکومت نے ہر جگہ پر اپنی اسمبلی میں مطلوبہ تعداد سے زیادہ امیدوار کھڑے کئے ہیں جس کا مقصد یہ ہے وزیر اعظم اپوزیشن کے لوگوں کو در پردہ خریدنے اور ان کو توڑنے کی کوشش کریں گے۔وہ ایشو آف دی ڈے میں اظہار خیال کررہی تھیں،ان کا کہنا تھا وزیر اعظم ایک طرف تو سینیٹ کے الیکشن میں کرپشن کا شور مچا رہے ہیں، دوسری طرف خود ہی اس قسم کے بیانات دے رہے ہیں وہ اور ان کے وزیر اعلی پنجاب اپوزیشن کے ارکان اسمبلی سے ملاقاتیں کررہے ہیں جس کا مقصد ہی سینیٹ کے الیکشن میں اپوزیشن کے ووٹوں کو توڑ کر اپنے امیدواروں کوووٹ دلوانا ہے جس کی ہم مذمت کرتے ہیں۔
سسی پلیجو